Jeremiya 47:6 - Bhiblia Yo Sawuleka

⁶ Awe ditxhari da Mkoma! U na humula yihi mbimo kani? Tshumela u txi nga humula msavani kwako, u txi malala.

Jeremiya 47:6 Referans Kwoze

Jeremiya 12:12

Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.

Johani 18:11

Aniko Jesu a to gela Pedro, a txi khene: “Txhomeka ditxhari dako msavani ka dona. Kha ni na mbi sela digombe da sixaniso di ni nga ningwa ngu Tate kani?”

Ezekhiyele 21:30

Tshumeta ditxhari dako msavani ka dona; ka wukhalo wule u nga velekwa ka wona, i ku ditiko di u nga velekwa ka dona, ni na kulamula.

Ezekhiyele 14:17

Ni ku ngako ni txi tisa ditxhari txitimwi ka ditiko, ni txi khani: Awe ditxhari, pinda ngu ditikoni mule: Se ani ni txi thavisa ka dona vathu ni sihari;

Jeremiya 25:27

U na va gela, u txi khawe: Mkoma wa Mabutho a Tiyimbi, Txizimu txa Israyeli, a khene: Selani mi txi leva, mi kosa, mi txi wa, mi si wuki kambe, ngu mhaka ya yimbi ni no yi rumela kwanu.

Jeremiya 15:3

Ni na va rumelela mune wa makhombo, kuwomba Mkoma, ditxhari di na va xasela, timbwa ti na va pfunulela. Sinyana sa nzuma ni sibanda sa txitinga si na va khobweta si txi va lovisa.

Jeremiya 12:4

Ina ditiko di na keta kala yihi mbimo kani? Mwasi wu txi oma txitingani, ngukonaho ka wubihi wa va va zumbako emo kani? Sihari ni sinyana sa lova, nguko va kha vona: Kha na mbi wona kugwitelwa kwathu.

Jeremiya 4:21

Ni na wu wona mbimo muni m'jeke, ni kupfa kutuma ka mpundu kani?

Isaya 10:15

Ina ditxhapu di nga ti dhumisa ka wule a gangako ngu dona kani? Ni disaho di nga ti kulisa ka wule a sahako ngu dona kani? Ku txi nga mtxheketelo wu nga zinginisa avale va wu guletako, mwendo ndonga yi nga guleta wule i singako phande!

Isaya 10:5

Dikhombo ka Asiriya, ndonga ya kuhenya kwangu! Nguko txiviti txangu txi fanana ni ndonga manzani kwakwe.

Masalmo 17:13

Khukha u txi ema, Mkoma! Va hinge u txi va dikha hahatshi! Ni hulukise ngu ditxhari dako, ka vathu va kubiha;

1 Makronika 21:27

Se Mkoma a to ninga sileleto ka ngelozi, se yona yi beta ditxhari da yona amu ka msava.

2 Samuwele 2:26

Sekoko Abhineri a to kwangula a txi khene ka Jowabhi: Ina ditxhari di na lovisa kala kupinduka kani? Ina awe khu ti zivi ti to ngu magwito ti na bava kani? U na lamba kugela vathu taku ve leka kututumisa vanawe kala mbimo muni kani?

Valamuli 7:20

Ngu kumaha keto, vathu va mitxawa yile ya yiraru, va to veta mipundu ni vona, va txi faya tidhuwa; manzani ka txibhabha va ti ti ñote misanje yi nga txi tura, ani ka dianza da txinene va ti ti ni mipundu va txi veta, ni kuhuwelela, va txi kha vona: “Ditxhari da Mkoma, ni da Gidhiyoni.”

Jeremiya 48:10

A ruketetwe wule a mahako mthumo wa Mkoma ngu wukanganyisi! A ruketetwe nene wule asi lekiko kutheketa mnoha ngu ditxhari.

Jeremiya 50:35

Di nata ditxhari txitimwi ka Vakaldheya, kuwomba Mkoma, ni txitimwi ka Bhabhilona, ni txitimwi ka vathangeli vawe, ni txitimwi ka titxhari tawe.

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.