Jeremiya 47:3 - Bhiblia Yo Sawuleka

³ Ngu mhaka ya diguwa da mahantxhi akwe a mtamo, ni diguwa da sikotxikani sakwe mbimo yile madangarita a kona ma rindilikelako; vaveleki kha va na mbi xayisa vanana vawe, ngu kukarala ka mawoko awe;

Jeremiya 47:3 Referans Kwoze

Jeremiya 8:16

Diguwa da mahantxhi akwe di pfala Dhani; mafu otshe ma zinginika ngu kuemba ka ona ka mtamo; nguko va tile ve ta hetisa ditiko ni sotshe si ku ka dona, didhoropa ni votshe va va zumbako ka dona.

Valamuli 5:22

Sekoko sitsendo sa mahantxhi si to pfala kukandetela ka sona hahatshi na mahantxhi ma txi tutuma ni vagadhi va ona va mtamo.

Nahume 2:4

Sikotxikani si na horolokela mitendelani, si na gumulana amu ka tinzila ta hombe; kuwoneka ka sona kufana ni sisase sa mndilo, va na tutumisa ku nga singwalangwanda.

Jeremiya 46:9

Tsulani masoni ni mahantxhi, rindilikelani ngu diguwa anu sikotxikani, va na humelela avale va mtamo, Vaetiyopiya ni Vapute, va va tekako sitxhavangu, ni va Lidhiyo va va zivako kudomba wulaho.”

Mtuletelo 9:9

Yi ti ni sikatawu sa tisimbi ha tikhana. Diguwa da mabhapi di ti fana ni diguwa da sikotxikani so ndindwa ngu mahantxhi amangi ma tutumelako kulwani:

Jeremiya 50:42

Va na teka wulaho ni mkuni; vona mba txixinya, kha va pfeli wusiwana, dipswi dawe di na dhinda nga linene, va na gadha mahantxhi ku nga wamwamna wu a zivako ti taku aya kulwani, kuya kuwukela, awe mwanana wa Bhabhilona.

Ezekhiyele 23:24

Se va nata kuwukela va di ni sikotxikani ni vathu votala; va txi ta kurandela va di ni sitxhavangu, ni sigoko; kambe ni na veka masoni kwawe valamuli, ava va no kulamula ngu malamulelo awe.

Nahume 2:8

Ninivha kukhukhela a diho, a zumbisa ku nga txiziva txa mati; aniko vona konkuwa va tutuma. “Emani! Emani!” Waho a dhanako; aniko ni wammweyo kha na mbi wona msana.

Isaya 5:28

Tingove tawe ti na hinda ngutu, ni malaho awe otshe ma dombilwe; sitsendo sa mahantxhi awe si fana ni marigwi, madangarita a sikotxikani sawe ma fana ni txihuhuri.