Jeremiya 46:9 - Bhiblia Yo Sawuleka

⁹ Tsulani masoni ni mahantxhi, rindilikelani ngu diguwa anu sikotxikani, va na humelela avale va mtamo, Vaetiyopiya ni Vapute, va va tekako sitxhavangu, ni va Lidhiyo va va zivako kudomba wulaho.”

Jeremiya 46:9 Referans Kwoze

Ezekhiyele 27:10

Vapersa ni Validhiyo, ni va Pute, i ti ti masotxhwa ako; sitxhangu ni sigoko va hayekile kwako, va ku tshurisete ngu sona.

Isaya 66:19

Se ni na veka txikombiso hagari kwawe, ni vale va no huluka ni na va rumela ka matiko, i ku Tarxixi, ni Puli, ni Ludhe, i ku vafuli, ni Tubhali, ni Javhani, kala ka sitondolo sa kule ngutu, si nga mbi pfa nduma yangu, kambe kha sa wona wudhumo wangu; se si na pfalisa wudhumo wangu hagari ka matiko.

Nahume 3:9

Etiyopiya ni Egipta i ti ti mtamo wa dona, kambe dona di si nga ni magwito; Pute ni Libhiya, i ti ti valamuleli vako.

1 Vakorinto 1:8

i ku ene kambe a nota mi tsanisa kala kuza mi maneka mi di vo lulama ka ditshiku diya a nota ene Mkoma wathu Jesu Kristu.

Mithumo 2:10

va kuhuma Frigiya ni Panfiliya ni Egipta, ni va matiko a Libhiya, hafuhi ni Kirene, vawuyi va Roma,

Jeremiya 47:3

Ngu mhaka ya diguwa da mahantxhi akwe a mtamo, ni diguwa da sikotxikani sakwe mbimo yile madangarita a kona ma rindilikelako; vaveleki kha va na mbi xayisa vanana vawe, ngu kukarala ka mawoko awe;

Jeremiya 30:5

Mkoma a khene: Hi pfite dipswi da kudhudhumela; kuho kuthava, kuthutha kuwalo.

1 Makronika 1:11

Se Mizirayimi a to veleka va ka Ludhi, ni va ka Anami, ni va ka Leyabhi, ni va ka Nafitu,

Genesisi 10:13

Mizarayime a velekile Ludhime, ni va Anami, ni va Lehabhimi, ni va Nafetu

Genesisi 10:6

Vanana va Kame ngu vava: Kuxe, ni Mesirayime, ni Pute, ni Kanana.

Jeremiya 51:11

Guvani tingove tanu, longiselani ngu ditshuri sitxhangu sanu; Mkoma a wusile moya wa vamidhiyani; nguko a lwela kuhasamula Bhabhilona; ina, nguko akuwa ngu kona kupharela ka Mkoma, ngu pharela ka mbimo ya kona.

Ezekhiyele 30:4

Se ku nata ditxhari ka Egipta, kambe Etiyopiya ku nava ni kupandiseka ka hombe, mbimo yile va no wa vale va no dayetelwa Egipta; ni kutekwa dibutho, ku txi khundumuswa sitsaniso sa kona.

Ezekhiyele 30:5

Etiyopiya, ni Pute, ni Ludhe, ni votshe vathu vale va nga patanelana, ni Kubhe, ni votshe vanana va ditiko da txitumelelano, va na wiswa kumweko nayo ngu ditxhari.