Jeremiya 46:6 - Bhiblia Yo Sawuleka

⁶ Hambi va livilo kha va ti koti kututuma, tindena kha ti huluki, va thavete didhawa da Wuphemba, hafuhi ni likasa la mnambo wa Ewufrate, va humbilwe va txi wa.

Jeremiya 46:6 Referans Kwoze

Dhaniyeli 11:19

Sekoko a na hundulukela makhokholani ya ditiko dakwe apune, kambe a na gutwa, e wa, asi manwi kambe.

Jeremiya 46:12

Matiko ma pfite kuwombwa ngu tingana tako, ni mafu ma tate ngu huwa yako, nguko ndena yi humbilwe ngu yimwani, ti tshumela ti txi wa totshe.

Jeremiya 50:32

Awule wa kutikulisa, a na ti guta a txi wa, kha ku na mbi va ni wammweyo wa ku mu wusa; ni na dhivela mndilo ka madhoropa akwe, awu wu no hisetela otshe makhalo akwe.

Jeremiya 46:16

A wisile votala, vamwani va wete txitimwi ka vamwanyani, va txi kha vona: “Wuka, a hi tshumelele ka vakakwathu, ditikoni mu hi nga velekelwa kona, nguko ha guma ngu ditxhari.”

Jeremiya 46:10

Nguko ditshiku da Mkoma Nyamne wa Tiyimbi, ditshiku do pharela, ngu kulwisa valala vakwe, se ditxhari di na daya, di khura di txi leva ngu mnoha wawe, nguko Mkoma Txizimu txa Mabutho a Tiyimbi, a ni mphaxo ditikoni ka Wuphemba, hafuhi ni mnambo wa Ewufrate.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Jeremiya 20:11

Aniko Mkoma a kumweko ni nani nga ndena yi thavisekako; va xanisi vangu va na humbwa, va si ni xuli; aniko va na so koyo tingana, nguko kha va maha ngu wutxhari; ti nava tingana ta kwa mbi guma, ti singako ni kudivalwa.

Jeremiya 6:1

Anu vanana va Bhenjamini, tutumani mi huma hagari ka Jerusalema, vetani mpundu Tekowa, emisani txikombiso txa mndilo Bheti-Hakeremi; nguko dikhombo dita ngu Wuphemba, ni kulovisa ka hombe.

Jeremiya 4:6

Gwimbani mijeke didhawani ka Siyoni, tutumani kasi ku mi ti hulukisa, mi nga emeni; nguko na mi nehela dikhombo na di txita ngu Wuphemba, ni kulovisa ka hombe.

Jeremiya 1:14

Mkoma a nje khene kwangu: “Dikhombo di nata ngu didhawa da Wuphemba, txitimwi ka votshe va ha mafuni.

Isaya 8:15

Se vavangi hagari kwawe, va na gumulwa ngu dona, va txi wa, ve funyeka; va na bzwetwa, ve ñolwa.

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Masalmo 27:2

Ngako vathu va kubiha va txi ni wukela ve zama ku ni daya, ngu vona valala vangu va humbwako va txi wa.

Dhaniyeli 11:22

Se ngu mawoko amangi, va na thaviswa masoni kwakwe; kambe va na fuviswa kufana ni mthangeli wa txitumelelano.

2 Vafumeli 23:29

Ka masiku akwe, a to kwela Faro-Neko, mfumeli wa Egipta e lwisa mfumeli wa Asiriya, mnamboni ka Ewufrate; se mfumeli Josiya a to mu hingeta; mbimo yile ene a nga muwona a to m'daya ditikoni ka Megidhu.

2 Vafumeli 24:7

Se mfumeli wa Egipta kha nga nga huma ngu ditikoni kwakwe; nguko mfumeli wa Bhabhilona a honyote sotshe si i ngadi sa mfumeli wa Egipta, kukhukhela mnamboni ka Egipta kala ka mnambo wa Ewufrate.