Jeremiya 46:5 - Bhiblia Yo Sawuleka

⁵ “Ti mahisa kutxani kuve dhudhumela, ve tshumelela msana kani?” Tindena tawe ti pekilwe, “ta tutuma, kha ti woni ni msana, kuthava kuho ka otshe madhawa, kuwomba Mkoma.

Jeremiya 46:5 Referans Kwoze

Jeremiya 49:29

Va na hamdwa, matenda awe, sifuyo sawe, mijiyo yawe, ni siya sawe, va na honyolwa makameli awe; va na va mahela diguwa: Kuho kuthava ngu ka otshe madhawa!

Jeremiya 6:25

Mi nga yeni thembweni hambi kutsimbila tinzilani; nguko ditxhari da mlala diho konemo da dhukisela ka otshe madhawa.

Jeremiya 46:21

Hambi masotxhwa akwe ma ku hagari kwakwe, ma fana ni marole o nona ngutu; aniko ni ona ma tshurate, ma tutumile kumweko, kha ma tsanisela; nguko di tile txitimwi kwawe ditshiku da kufuviswa kwawe, i ku ditshiku da kuendelwa kwawe.

Nahume 2:8

Ninivha kukhukhela a diho, a zumbisa ku nga txiziva txa mati; aniko vona konkuwa va tutuma. “Emani! Emani!” Waho a dhanako; aniko ni wammweyo kha na mbi wona msana.

Ezekhiyele 32:10

Se ni na maha ti to vathu votala va txi kuxamala, ni vafumeli vawe va txi dhudhumela ngutu, mbimo yi ni no tshawunyetisa ditxhari dangu khoheni kwako; va na dhudhumela yotshe mbimo, mmweyo ni mmweyo ngu mhaka ya wutomi wakwe, ka ditshiku da kuwa kwako.

Jeremiya 46:15

Ngu kutxani ti nga xulwa tindena tako kani? Kha ta sikota kutserama, nguko Mkoma a ti hangalasile!”

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Isaya 19:16

Ka yona yile mbimo, Vaegipta va na nga vavasikati, va na dhudhumela, va na thava ngu mhaka ya kuthuma ka dianza da Mkoma wa Mabutho a Tiyimbi, nguko di na guleka di va wukela.

Genesisi 19:17

Ngako va di va humisile hahanze ka didhoropa, mmweyo wa vavamna vale, a to khene ka Loti: “Hulukisa wutomi wako! U nga wone msana, kambe u nga eme ni ka wuhi wukhalo wa mu libalani, thavela mmangoni, kasi u si lovi.”

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

Isaya 13:8

Se va na dhukiswa ve thava, va txi guma mtamo, ve xanisekisa ku nga wamsikati a di hafuhi ni kuveleka; va na wonana, ve xamala, ve dhunuka, ngu kuthava.

Isaya 42:17

Va na tshumelela msana se va na wa tingana avale va thembako sithombe so vatwa, va ku kha vona ka sithombe so wumbwa: Anu mi sizimu sathu.

Jeremiya 49:5

I mani a nota ni wukela kani? Wona ti taku ni na tisa kuthava txitimwi kwako, kuwomba Mkoma wa Mabutho a Tiyimbi, ka votshe va va nga kurandela; mi na tshotshwa hahanze, mmweyo ni mmweyo a na lava kuthangela, kha ku nga ni wu a no tsanisa vamwani.

Ezekhiyele 39:18

Mi na dya nyama ya vanyamitamo, ni kusela mnoha wa vathangeli va mafu, tinvuta, sinvutana, vamabhongwe, ni marole, sotshe sa kunona, kona Bhasani.

Nahume 2:9

Honyolani silivhela! Mi honyola ni nzalama! Nguko tithomba kha ti gumi, siho sotshe so maha sa tixakaxaka, so tsakisa ngutu.

Zefaniya 1:14

Ditshiku da hombe da Mkoma di hafuhi, di hafuhi, kambe da kuluveta ngutu dipswi da ditshiku da Mkoma; wamwamna wa mtamo ngutu, a na peka nyandayeyo.