Jeremiya 46:25 - Bhiblia Yo Sawuleka

²⁵ Mkoma wa Mabutho a Tiyimbi, Txizimu txa Israyeli, a khene: Wona taku ni na tsayisa Amoni wa No, ni Faro, ni Egipta, ni sizimu sa kona ni vafumeli vawe; kwakwe apune Faro, ni ka vale va mthembako.

Jeremiya 46:25 Referans Kwoze

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

Eksodha 12:12

Ka wusiku wonewo ni na pinda ditikoni ka Egipta kambe ni na daya otshe matiwula a vanana va ditikoni ka Egipta, kukhukhela ka vathu kala ka sifuyo; kambe ni na lamula sizimu sotshe sa Egipta, nguko ani ngani Mkoma.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Jeremiya 44:30

Mkoma a khene: Wonani ti to ni na ningela Faro Hofira, mfumeli wa Egipta, manzani ka valala vakwe, ni manzani ka vale va xotako kum'daya, nga kule ni nga ningela Zedhekiya, mfumeli wa ka Judha, manzani ka Nebhukodhonosori, mfumeli wa Bhabhilona, i ku mlala wakwe a nga ti lava ku m'daya.

Jeremiya 49:3

Peka huwa awe Hesibhoni, nguko wa hasamulwa Ayi; huwelelani anu vanana va Rabha, tipambiyeteni ngu masaka, dilani, horolokelani maguma; nguko Malkami a naya wukhumbini, kumweko ni vaphaxeli vakwe ni tinduna takwe.

Ezekhiyele 30:22

Ngu tona eto, Mkoma Txizimu a khene: Wona taku ani na wukela Faro, mfumeli wa Egipta, se ni na funya mawoko akwe, adile da dinene ni dile do funywa, kambe ni na wisa dianza dakwe ngu ditxhari.