Jeremiya 46:22 - Bhiblia Yo Sawuleka

²² Dipswi dakwe do nga da mnyoka; nguko va nata ngu wungi, va nata kwakwe ni matxhapu, nga vagangi va tikhuni.

Jeremiya 46:22 Referans Kwoze

Isaya 29:4

Sekoko u na wiswa hahatshi, u na womba-womba u di hahatshi ka mafu, se kuwombawomba kwako ku na huma ngu lithuluni, ku si nga ni mtamo, ni dipswi dako di na huma ngu hahatshi ka mafu, kufana ni dipswi da mloyi, ni kuwombawomba kwako ku na veta mloti kukhukhela lithuluni.

Isaya 14:8

Hambi didhondo da mikipresi ni mikedhari ya Libhanoni yi tsakela kuwa kwako, yi txi kha yona: Kukhukhela kule u nga wa, kha ku na wu a tako ku ta hi wilela.

Zakariya 11:2

Dilani anu mikipresi, nguko mikedhari yi wite, nguko ayile yo tshura ngutu ya fuviswa; dilani anu mikusu ya Bhasani, nguko txitinga txo khwela txa hoxotwa.

Mika 7:16

Matiko ma na ti wona me wa tingana, ngu mhaka ya mtamo wakwe wotshe; va na veka dianza ha txisofu, ni tinzeve tawe ti na vhaleka.

Mika 1:8

Ngu kumaha keto, ni na dila, ni xomuleka, se ni handwa ni tsimbila ni sa ambala txilo; ni na dilisa ku nga vamwamilambo, ni xomuleka nga timbuwu.

Isaya 37:24

Ngu sithumi sako, u sote Mkoma u txi khawe: Ngu sikotxikani sangu sasingi, ni kwelete titshokani ka mimango, madhawani ka Libhanoni; kambe ni na gangela mikedhari yakwe yo lapha, ni mikhure ya kona yo tshura, ni na hoka tshokani ka kona ko guleka ngutu, ka txitinga txa thembwe yakwe yo nona.

Isaya 10:15

Ina ditxhapu di nga ti dhumisa ka wule a gangako ngu dona kani? Ni disaho di nga ti kulisa ka wule a sahako ngu dona kani? Ku txi nga mtxheketelo wu nga zinginisa avale va wu guletako, mwendo ndonga yi nga guleta wule i singako phande!

Joxuwa 9:21

Se vathangeli koko va to va gela ku kha vona: Va na hanye. Se va to maha valavi va tikhuni, ni vareki va mati a wotshe msengeletano, nga ti vathangeli va nga ti ti va gelisile tona.”

Masalmo 74:5

Ha txikeni ka txitimwi va bhandisete mapulango ve ma gangela ngu nzanga.

Jeremiya 46:21

Hambi masotxhwa akwe ma ku hagari kwakwe, ma fana ni marole o nona ngutu; aniko ni ona ma tshurate, ma tutumile kumweko, kha ma tsanisela; nguko di tile txitimwi kwawe ditshiku da kufuviswa kwawe, i ku ditshiku da kuendelwa kwawe.

Jeremiya 46:23

Va sakatile txitinga, kuwomba Mkoma, atxi txi nga ti si wulelwi ngu m'thu; va engetekelani ku nga humbi, kha va balwi.