Jeremiya 46:19 - Bhiblia Yo Sawuleka

¹⁹ Ti longisele kuya wukhumbini, awe muaki, m'horana wa Egipta: Nguko Nofe, Memfisi, a na hasamulwa a txi hiswa, kha ku na mbi maneka hambi ni wo zumba.

Jeremiya 46:19 Referans Kwoze

Isaya 20:4

ngu kumaha keto, mfumeli wa Asiriya, a na teka va va nga ñolelwa ditikoni ka Egipta ni Etiyopiya, majaha ni vo kumba, a txi va yisa wukhumbini, va na tsula i di simbwiri, va sa ambala txilo mikondoni, va sa ti pambiyeta txilo, njikombiso txa tingana ka Egipta.

Jeremiya 48:18

Txhika ngu mfumoni kwako, u txi khalahatsha mu ka kuoma, awe muaki, mwana Dhibhoni; nguko muhasamuli wa Mowabhi a ku hokete, a tshungunulete maguma ako.

Ezekhiyele 30:13

Mkoma Txizimu a khene: Kambe ni na khundumusela sithombe, ni kufuvisa sifananiso sa Nofe; kha ku na mbi ngadi kuva ni mthangeli wa ditiko da Egipta; ni na veka kuthava ditikoni ka Egipta.

Jeremiya 44:1

Dipswi di nga ta ka Jeremiya madingano ni votshe Vajudha va nga txi maneka ditikoni ka Egipta, kona Migidholi ni Tafinasi, ni Nofe, ni ditikoni ka Patrosi, di txi kha dona:

Zefaniya 2:5

Dikhombo ka vale va zumbako mabambe ka linene, vathu va Kereti! Dipswi da Mkoma di na mi wukela, awe Kanana, ditiko da Vafilista, se ani ni na mi maha mi hoxoka, kala kuza ku si maneki vazumbi.

Jeremiya 34:22

Wona, ni na va leletela ti taku ve wuya ka diya didhoropa, kuwomba Mkoma, va na lwa nado, ve di khozisa, va txi di hisa ngu mndilo; ni madhoropa a ka Judha ma na maha txiwula, ku si maneki wo zumba ka wona.

Jeremiya 26:9

Ngu kutxani awe u nga profeta ngu ditina da Mkoma, u txi khawe: Ayiya nyumba yi na nga Silo, adiya didhoropa di na nga dirumbi, ku si nga ni vo zumba kani? Votshe vathu va to tshangana ni Jeremiya Nyumbani ka Mkoma.

Isaya 19:13

Vathangeli va Zowani va maha siphukuphuku, vathangeli va Nofe va kanganyisilwe; vona va na maha ti to Egipta e rerela, vona va i ku dirigwi da dikhona da tihunzu tawe.

Jeremiya 46:14

“Zivisani ka Egipta, mi pfalisa tiya ka Migidholi, pfalisani kambe ka Nofe, ni ka Tafinesi, mi txi khanu: Ti henjelete ni ku ti vekisa, nguko, ditxhari di dyite asile si ku madhawani kwako.

Ezekhiyele 29:11

Kha ku na mbi pinda mkondo wa m'thu ngu ka dona, hambi mkondo wa txihari kha wu na mbi pinda ngu ka dona, kha ku na mbi va ni vo zumba amu ka mune wa magumi a malembe.

Ezekhiyele 29:12

Nguko ni na maha ditiko da Egipta di va dirumbi hagari ka mafu a marumbi; ni madhoropa a kona, hagari ka madhoropa a siwula, ma na maha siwula amu ka mune wa magumi a malembe; kambe ni na hangalasa Vaegipta hagari ka matiko, ni txi va theketa ha mafuni.

Hoseya 9:6

Nguko wona taku vona va tsute ngu mhaka yo hoxotwa, kambe Egipta a na va amukela, Menfisi a na va tshotsha; kunavela ka silivhela yawe ku na fenengetwa ngu maxexwe, ni mipa yi na mila matendani kwawe.