Jeremiya 46:17 - Bhiblia Yo Sawuleka

¹⁷ Va to peka huwa konaho: Faro, mfumeli wa Egipta, diguwa da walo; “a tshotshile walo mbimo.”

Jeremiya 46:17 Referans Kwoze

1 Vafumeli 20:10

Se Bheni-Hadhadhe a to va rumela kwakwe, kuya womba tiya: Si na mahe kuranda ngu ngani sizimu, ati to lithulu la votshe vathu va Samariya, kha li na mbi tata manza a vathu vale va ni londisako.

Eksodha 15:9

Mlala a ti ti khene: “Ni na va londeta, ni na va mana, ni na va honyolela simaha sawe; ni txi va tekela sotshe si ni si lavako; wu na khura ngu sona moya wangu, ni na swomola ditxhari dangu, ni va fuvisa ngu dianza dangu!”

Ezekhiyele 31:18

U nga fana ni mani ngu wudhumo ni wuhombe hagari ka mindonga ya Edheni kani? Hambi keto, u na relelela ni mindonga ya Edheni hahatshi ngutu ka mafu; hagari ka makhutu u na otela ni vale va nga dayelwa ngu ditxhari; awuwa i Faro, ni dotshe dibutho dakwe, kuwomba Mkoma Txizimu.

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Isaya 31:3

Nguko Vaegipta mbathu, hi nga Txizimu, ni mahantxhi awe i nyama, hi nga moya. Se mbimo yi Mkoma a no guleta diwoko dakwe, votshe va na wa hahatshi, m'vhuni ni wu a vhunwako, votshe va na loviswa kumweko.

1 Vafumeli 20:18

Se Bheni-Hadhadhe a to khene: Ngako va txita ngu kuthutha, va ñoleni va txi hanya; hambi va txi tela kutalwa, va ñoleni kambe, va txi hanya.

Eksodha 15:10

U futetile ngu moya wako, se linene li va mitile; va bhekile nga simbi, va txi ya hahatshi ka mati.

1 Vafumeli 20:11

Sekoko mfumeli wa Israyeli a to xamula, a txi khene: M'geleni ku khanu: Kha ti guleti awule a ku nga txi xoma kufana ni wule a nga xula.

Ekleziyaste 3:1

Sotshe si ni mbimo ya sona, yi si nga emiselwa yona, se ku ni mbimo ya sotshe si si ku hahatshi ka nzuma: