Jeremiya 46:15 - Bhiblia Yo Sawuleka

¹⁵ Ngu kutxani ti nga xulwa tindena tako kani? Kha ta sikota kutserama, nguko Mkoma a ti hangalasile!”

Jeremiya 46:15 Referans Kwoze

Masalmo 68:2

va mwalala nga wutshi hagari ka mpfhuka, va nyivilika nga phula ha mndiloni. Ngu tonti vathu vo biha va fisako tona, masoni ka Txizimu!

Jeremiya 46:5

“Ti mahisa kutxani kuve dhudhumela, ve tshumelela msana kani?” Tindena tawe ti pekilwe, “ta tutuma, kha ti woni ni msana, kuthava kuho ka otshe madhawa, kuwomba Mkoma.

Masalmo 18:39

Awe u ni ningile mtamo wa kulwa; u khozisile valala vangu masoni kwangu.

Masalmo 18:14

A to khwinza tingove takwe ta miseve a txi hangalasa valala, a to dhindisa singwalangwanda, a txi va tutumisa.

Jeremiya 46:21

Hambi masotxhwa akwe ma ku hagari kwakwe, ma fana ni marole o nona ngutu; aniko ni ona ma tshurate, ma tutumile kumweko, kha ma tsanisela; nguko di tile txitimwi kwawe ditshiku da kufuviswa kwawe, i ku ditshiku da kuendelwa kwawe.

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Dhewuteronome 11:23

kambe Mkoma a na tutumisa masoni kwanu yotshe mifumoyo, na nanu mi na xula mifumo ya hombe ni ya mtamo kupinda anu.

Eksodha 6:1

Sekoko Mkoma a to khene ka Mosi: “Konkuwa, u na wona ti ni no maha ka Faro, nguko ngu mhaka ya mtamo wa dianza dangu, ene a na va leka va txi tsula, ni mhaka ya mtamo wa dianza dangu a na va tutumisa ditikoni kwawe!”

Masalmo 68:1

Mbimo yi Txizimu txi wukako, valala va txona va hangalaka; avale va txi zondako va txi thava;