Jeremiya 46:14 - Bhiblia Yo Sawuleka

¹⁴ “Zivisani ka Egipta, mi pfalisa tiya ka Migidholi, pfalisani kambe ka Nofe, ni ka Tafinesi, mi txi khanu: Ti henjelete ni ku ti vekisa, nguko, ditxhari di dyite asile si ku madhawani kwako.

Jeremiya 46:14 Referans Kwoze

Jeremiya 46:10

Nguko ditshiku da Mkoma Nyamne wa Tiyimbi, ditshiku do pharela, ngu kulwisa valala vakwe, se ditxhari di na daya, di khura di txi leva ngu mnoha wawe, nguko Mkoma Txizimu txa Mabutho a Tiyimbi, a ni mphaxo ditikoni ka Wuphemba, hafuhi ni mnambo wa Ewufrate.

Jeremiya 44:1

Dipswi di nga ta ka Jeremiya madingano ni votshe Vajudha va nga txi maneka ditikoni ka Egipta, kona Migidholi ni Tafinasi, ni Nofe, ni ditikoni ka Patrosi, di txi kha dona:

Nahume 2:13

Wona taku ani ni na kuwukela, kuwomba Mkoma wa Mabutho a Tiyimbi: Ni na hisa sikotxikani sako si tuvikisa wutshi, se ditxhari di na xasela singonyamwana sako, kambe ni na honyola so xotwa sako ha mafuni, kha di na mbi ngadi di pfala dipswi da vakombisi vako.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Isaya 1:20

Aniko ngako mi txi ni tshuralela mi si ni engisi, mi na guma ngu ditxhari, nguko txisofu txa Mkoma txi wombile.

Jeremiya 12:12

Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.

Isaya 34:6

Ditxhari da Mkoma di tate ngu mnoha, di tate ngu mafura, ni mnoha wa sinvuntana ni wa vamabhongwe, ngu mafura a titsho ta tihamba, nguko Mkoma a ni mphaxo kona Bhozira, ni kudayela ka hombe ditikoni ka Edhomi.

Isaya 31:8

Se Asiriya a na wiswa ngu ditxhari, na i si nga ngu m'thu; ditxhari di di si lumbiko m'thu di na mlovisa, kambe a na tutuma masoni ka ditxhari, ni mazambi akwe ma na xulwa.

2 Samuwele 2:26

Sekoko Abhineri a to kwangula a txi khene ka Jowabhi: Ina ditxhari di na lovisa kala kupinduka kani? Ina awe khu ti zivi ti to ngu magwito ti na bava kani? U na lamba kugela vathu taku ve leka kututumisa vanawe kala mbimo muni kani?

Eksodha 14:2

“Gela vanana va ka Israyeli ti to va txi tshumela va txi ya gova masoni ka Pi-Hahiroti, hagari ka Migodholi ni linene, masoni ka Bhahali-Safoni, anu mi na ya gova masoni ka wuwa wukhalo, hafuhi ni linene.

Dhewuteronome 32:42

Ni na levisa tingove tangu ngu mnoha, ni ditxhari dangu di na khura ngu nyama; ngu mnoha wa vale va nga dawa, ni wa vo ñolwa, kukhukhela ha msungo, ku nava ni kuphota, ka valala.

Isaya 19:13

Vathangeli va Zowani va maha siphukuphuku, vathangeli va Nofe va kanganyisilwe; vona va na maha ti to Egipta e rerela, vona va i ku dirigwi da dikhona da tihunzu tawe.

Jeremiya 46:2

Xungetano ni Egipta, kasi kupeka yimbi ya Faro-Neko, mfumeli wa Egipta, a nga txi maneka hafuhi ni mnambo wa Ewufrate kona Karkemixe, wule a nga pekwa ngu Nebhukodhonosori, mfumeli wa Bhabhilona, ka dilembe da wumune da kufuma ka Jehoyakimi, mwana Josiya, mfumeli wa Judha.

Jeremiya 46:19

Ti longisele kuya wukhumbini, awe muaki, m'horana wa Egipta: Nguko Nofe, Memfisi, a na hasamulwa a txi hiswa, kha ku na mbi maneka hambi ni wo zumba.

Ezekhiyele 21:28

Se awe mwanana wa m'thu, profeta u txi khawe: Mkoma Txizimu a khene madingano ni kutxhipiswa ka vanana va ka Amoni: Womba ku khawe: Ditxhariu, ditxhari di hindisilwe ni kuswililikila kudaya ni kufuvisa, ni kuphatimaphatima;

Ezekhiyele 30:13

Mkoma Txizimu a khene: Kambe ni na khundumusela sithombe, ni kufuvisa sifananiso sa Nofe; kha ku na mbi ngadi kuva ni mthangeli wa ditiko da Egipta; ni na veka kuthava ditikoni ka Egipta.

Hoseya 9:6

Nguko wona taku vona va tsute ngu mhaka yo hoxotwa, kambe Egipta a na va amukela, Menfisi a na va tshotsha; kunavela ka silivhela yawe ku na fenengetwa ngu maxexwe, ni mipa yi na mila matendani kwawe.

Jeremiya 2:16

Hambi ni vanana va Nofa ni va Takapanesi va bhandile dithafurafu dako!