Jeremiya 46:10 - Bhiblia Yo Sawuleka

¹⁰ Nguko ditshiku da Mkoma Nyamne wa Tiyimbi, ditshiku do pharela, ngu kulwisa valala vakwe, se ditxhari di na daya, di khura di txi leva ngu mnoha wawe, nguko Mkoma Txizimu txa Mabutho a Tiyimbi, a ni mphaxo ditikoni ka Wuphemba, hafuhi ni mnambo wa Ewufrate.

Jeremiya 46:10 Referans Kwoze

Dhewuteronome 32:42

Ni na levisa tingove tangu ngu mnoha, ni ditxhari dangu di na khura ngu nyama; ngu mnoha wa vale va nga dawa, ni wa vo ñolwa, kukhukhela ha msungo, ku nava ni kuphota, ka valala.

Joyeli 1:15

Yowe! Ditshiku dile! Nguko ditshiku da Mkoma di hafuhi, di nata kufana ni kufuvisa ka wu wa Mtamo-wotshe.

Jeremiya 46:2

Xungetano ni Egipta, kasi kupeka yimbi ya Faro-Neko, mfumeli wa Egipta, a nga txi maneka hafuhi ni mnambo wa Ewufrate kona Karkemixe, wule a nga pekwa ngu Nebhukodhonosori, mfumeli wa Bhabhilona, ka dilembe da wumune da kufuma ka Jehoyakimi, mwana Josiya, mfumeli wa Judha.

Jeremiya 46:6

Hambi va livilo kha va ti koti kututuma, tindena kha ti huluki, va thavete didhawa da Wuphemba, hafuhi ni likasa la mnambo wa Ewufrate, va humbilwe va txi wa.

Luka 21:22

nguko masikuyo masiku a kupharela, kasiku totshe ti ti nga bhalwa ti hetiseka.

Joyeli 2:1

Vetani mpundu aniya Siyoni mi dila ngu dipswi do guleka mmangoni kwangu ko sawuleka; va na dhudhumele votshe vaaki va ha mafuni, nguko ditshiku da Mkoma data, di hafuhi;

Jeremiya 51:6

Khukhani hagari ka Bhabhilona, mmweyo ni mmweyo a na txhatxhise dihika dakwe; mi nga ti loviseni anu ngu wubihi wakwe; nguko ayiya ngu yona mbimo ya kupharela ka Mkoma; ene a na mninga hakhelo yakwe.

Jeremiya 50:15

Mu wukeleni ngu diguwa, mi txi mu horolokela; ene se a ti ningete; sitsaniso sakwe si wite, maguma akwe ma khundumusetwe; nguko yimbi yiya nja Mkoma; mlwiseni, nga ti a nga maha, mahisani toneto kwakwe.

Isaya 63:4

Nguko ditshiku da kuphota di mbiluni kwangu, ni dilembe da vo tirulwa vangu di hokile.

Isaya 13:6

Pekani huwa nguko ditshiku da Mkoma di hafuhi; di ta ngu ka wu wa Mtamo-wotshe kuta haxula.

2 Vafumeli 24:7

Se mfumeli wa Egipta kha nga nga huma ngu ditikoni kwakwe; nguko mfumeli wa Bhabhilona a honyote sotshe si i ngadi sa mfumeli wa Egipta, kukhukhela mnamboni ka Egipta kala ka mnambo wa Ewufrate.

Isaya 61:2

ni kupeka nyiwo ya dilembe do kateka da Mkoma, ni ditshiku da kuphota ka Txizimu txathu; kuthavelela votshe vale va dilako;

Jobe 24:1

Ti komba ku timbimo kha ta vekwa ngu wu wa Mtamo-wotshe, ngu kutxani va si woniko masiku akwe vale va m'zivako kani?

Isaya 31:8

Se Asiriya a na wiswa ngu ditxhari, na i si nga ngu m'thu; ditxhari di di si lumbiko m'thu di na mlovisa, kambe a na tutuma masoni ka ditxhari, ni mazambi akwe ma na xulwa.

Jeremiya 12:12

Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.

Jeremiya 46:14

“Zivisani ka Egipta, mi pfalisa tiya ka Migidholi, pfalisani kambe ka Nofe, ni ka Tafinesi, mi txi khanu: Ti henjelete ni ku ti vekisa, nguko, ditxhari di dyite asile si ku madhawani kwako.

Jeremiya 50:18

Ngu toneto, a khene kha Mkoma wa Mabutho a Tiyimbi, Txizimu txa Israyeli: Wonani ti to ni na tsayisa mfumeli wa Bhabhilona ni ditiko dakwe, nga tile ni nga mahisa tona ka Asiriya.

Ezekhiyele 21:28

Se awe mwanana wa m'thu, profeta u txi khawe: Mkoma Txizimu a khene madingano ni kutxhipiswa ka vanana va ka Amoni: Womba ku khawe: Ditxhariu, ditxhari di hindisilwe ni kuswililikila kudaya ni kufuvisa, ni kuphatimaphatima;

Zakariya 6:6

Txikotxikani txile txi ndindwako ngu mahantxhi a mtima, txiya ditikoni ka Wuphemba, se ale o basa me londeta ngu msana ka ale a mtima, ale a matshakatshaka ma txi ya ditikoni ka Wulambwe.

Isaya 2:12

Nguko ditshiku da Mkoma wa Mabutho a Tiyimbi, di na va do veka hahatshi votshe va va tikulisako ni ku ti dhumisa.