Jeremiya 45:3 - Bhiblia Yo Sawuleka

³ U ti khawe: Dikhombo dangu koko! Nguko Mkoma a ni engetete xomulo kupandisekani kwangu: Se ni karate ngu kudila, kha ni mani kuhumula.

Jeremiya 45:3 Referans Kwoze

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

2 Vakorinto 4:16

Ngu toneto, kha hi gumi mtamo. Hambi mmidi wathu ngu ha hanze wu txi maha wo onheka, kambe ngu mndani wu hinduka wu txi maha wa wuphya ditshiku ni ditshiku.

2 Vakorinto 4:1

Ngu toneto, aku hi ku ni mthumo wu hi nga ningwa ngu wumbilu wa Txizimu, kha hi gumi mtamo.

2 Vatesalonika 3:13

Kambe anu, vanathu, mi nga karaleni ngu kumaha ta tinene.

Sidilo 3:32

Nguko hambi txi txi pfisa kupanda m'thu, txi na mpfela wusiwana madingano ni wuhombe wa wumbilu wa txona.

Sidilo 1:22

Wu nata wotshe wubihi wawe masoni kwako, se va mahe ti u nga ni maha, ngu mhaka ya sionho sangu. Nguko sidikwi sangu nza singi, ni mbilu yangu ya panda ngutu.”

Sidilo 1:13

Kukhukhela txitimwi, a rumete mndilo wu txi ta wulela marambuni kwangu; a ni riyete ngu mlawu e ni wisa ngu nyamsane dotshe ditshiku ni sate ni di dirumbini ni si nga ni kutsaka.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

Jeremiya 8:18

Ni na ti thavelelisa kutxani kupandiseka kwangu kani? Mbilu yangu ya xaniseka.

Mavingu 24:10

U txi ti wona u txi relela ngu ditshiku da xomulo, tikomba ku khwa tsana.

Masalmo 120:5

Dikhombo dangu ani ni hanyako Meseki, ani ni zumbako ka matenda a Mkedhari!

Masalmo 69:3

Na foma dipswi ngu kupeka huwa, mkolo wangu omile, wa panda; maso angu ma karala ngu kurinzela, Txizimu txangu!

Masalmo 42:7

Hahatshi ka mikova yo hokoma ngutu kupfala kudhinda ka singwalangwanda sako; otshe mavimbi ako ni kukhulunga ka mati ako si pindile ngu txitimwi kwangu.

Masalmo 27:13

Kambe ani, na themba ngu kutsanisa ti to ni na wona wunene wa Mkoma ditikoni ka va va hanyako.

Masalmo 6:6

Ni karate ngu kudila. Wusiku ni wusiku ni nakanisa m'bhedhu wangu ngu mirongo ni tata ngu mirongo, txikhigelo txangu.

Jobe 23:2

Kala ni nyamsi, kutitsetsa kwangu ka ni maha ni vilela; kuvhiluka ka ngumbe yangu kutshimile kupinda huwa yangu.

Jeremiya 45:2

Mkoma, Txizimu txa ka Israyeli, ngu mhaka yako, awe Bharuke, a khene:

Masalmo 6:7

Maso angu ma simba ngu kudila, ma kumbiswa ngu votshe valala vangu.