Jeremiya 45:2 - Bhiblia Yo Sawuleka

² Mkoma, Txizimu txa ka Israyeli, ngu mhaka yako, awe Bharuke, a khene:

Jeremiya 45:2 Referans Kwoze

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

Vahebheru 2:18

Nguko, aku a nga pfa kupandiseka ngu mhaka ya kudukwa, wa sikota kuvhuna ava va dukwako.

2 Vakorinto 7:6

Aniko Txizimu txi txi thavelelako va va ti vekako hahatshi ka txona, txi hi thavelete ngu kubwaka ka Titosi,

2 Vakorinto 1:4

txona txi hi thavelela ka sotshe sixaniso sathu, kasiku hi sikota kuthavelela ava va karatekako, ngu yona thavelelo ayi nathu hi thavelelwako ngu yona ngu Txizimu.

Marku 16:7

Tsulani mi txi ya gela vagondiswa vakwe ni Pedro, ti to ene wa mi thangela kuya Galileya, mi na ya mu wona, madingano ni ti a nga mi gelisa tona.”

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Jeremiya 45:1

Dipswi di a nga womba Jeremiya mprofeti, ka Bharuke, mwana Neriya, a to bhala mapswi ale mu ka dibhuku, ma txi wombwa ngu Jeremiya, ka dilembe da wumune da kufuma ka Jehoyakimu, mwana Josiya, mfumeli wa ka Judha, a txi khene:

Jeremiya 45:3

U ti khawe: Dikhombo dangu koko! Nguko Mkoma a ni engetete xomulo kupandisekani kwangu: Se ni karate ngu kudila, kha ni mani kuhumula.