Jeremiya 44:7 - Bhiblia Yo Sawuleka

⁷ Kona kuwa koko, Mkoma, Txizimu txa Mabutho a Tiyimbi, Txizimu txa ka Israyeli, a womba tiya: Ngu kota ya ku anu mi mahako kubiha ka hombe ku lwako ni mimoya yanu, kasi kulovisa vavamna ni vavasikati, ka vanana ni ka vale va mamako, hagari ka va ka Judha, mi txi mahela ti to ku si sali ni wammweyo.

Jeremiya 44:7 Referans Kwoze

Habhakuki 2:10

U thete tingana mwaya wako, ngu kuheta vathu vavangi, u onhete moya wako.

Jeremiya 51:22

kambe kumweko ni nawe ni na phatulela wamwamna ni wamsikati; kambe kumweko ni nawe ni na phatulela wo kumba ni wamphya; kambe kumweko ni nawe ni na phatulela dijaha ni dihorana;

Mitengo 16:38

Aniko siya so hisa ka sona dibaselo sa vale va nga onhela mihefemulo yawe. Si na simelwa aha ka timbanya si maha siphambati, so lema ngu sona ha magandeloni, kasi si txi ningelwa masoni ka Mkoma; nguko sona si sawulekile; si na maha txialakanyiso ka vanana va ka Israyeli.

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

Sidilo 2:11

Maso angu ma karate ngu mirongo, moya wangu wu ha kukaratekani. Ni gumile mtamo ngu kupandiseka ngu mhaka ya kuloviswa muhorana wa vathu vangu; nguko va tsivala vafana ni timenzani to mama, magondoni ka didhoropa.

Jeremiya 44:14

Aha kaku kha ku na mbi huluka ni wammweyo e maneka didhawa e sala wa ka Judha a nga wulelela ditikoni ka Egipta, kuya luvela, kasi kuteka ditiko da ka Judha, adi a nga txi navelwa kutshumela eya zumba ka dona; kha va na mbi tshumela, hahanze ka vale va nga huluka.

Jeremiya 9:21

Nguko kufa kukwete ngu mafasitela athu, kuwulete tinyumbani kwathu ka wukoma; kudaya vanana tiruwani ni mazambi sidingeni.

Jeremiya 7:19

Kasi ngani va ni henyisako kani? Kuwomba Mkoma. Kha va njo ti wusela tingana vona vapune kani?

Mavingu 15:32

Awule a lambako kukawukwa, wa txhipisa moya wakwe, aniko awule a engisako silayelo, wa mana kupimisisa.

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

1 Samuwele 15:3

Tsula koko, konkuwa, u ya xasela Vaamaleki, u onhetela sotshe si va ku naso, u nga vatsetse; aniko u na daya vavamna ni vavasikati, vafana ni vanana va ha tshumbuni, tihomu ni tinvuta, makamelu ni timbongola.

Valamuli 21:11

Sekoko, atiya ngu ti mi no maha: Ka votshe vavamna, ni ka votshe vavasikati vale va no maneka va di otete ni wamwamna, mi na va fuvisa do gwita.

Joxuwa 6:21

Se va to lovisa ngu ditxhari sotshe si si nga ti ti ho didhoropani, kukhukhela ka wamwamna, wamsikati, mfana, txikosana, tihomu, sifuyo sa sidotho, ni timbongola.

Dhewuteronome 32:25

Hahanze va na dawa ngu ditxhari, nyumbani va na dawa ngu dizowa; votshe va na fuva: Mazambi ni mahorana, vanana vo mama, hambi ni vo kumba va tinvi.

Jeremiya 44:8

Mi txi ni henyisa ngu mithumo ya manza anu, mi txi hisela miphaxo sizimu sa walo ditikoni ka Egipta, eyo mi nga wulela kuya luvela kona, kasi ku anu mi txi ti lovisa, ni ku mi va txiruko ni kutseketselwa hagari ka matiko otshe ha mafuni kani?

Jeremiya 42:20

Nguko anu mipune mi ti kanganyisile, mbimo yile mi nga ni ruma ka Mkoma, Txizimu txanu, mi txi: Hi kombelele ka Mkoma, Txizimu txathu, u nata hi gelisa toneto, hi na maha;

Jeremiya 26:19

Ina Ezekhiya, mfumeli wa ka Judha, ni dotshe ditiko da ka Judha, va mu date kani? Ina kha thava Mkoma, a txi kombela dikato, kuva Mkoma a txi hunduluka ka dikhombo di a nga womba ngu dona kwawe kani? Se athu, kha hi njo mahela wubihi mihefemulo yathu kani?

Jeremiya 25:7

Hambi ka eto kha ma ni engisa, kuwomba Mkoma, ti taku mi vhinjukisa kuhenya kwangu ngu mithumo ya manza anu, mi txi ti tota dikhombo mipune.

Mavingu 8:36

Se wule a no ni onhela, a na lwisa muhefemulo wakwe apune, votshe vale va ni vengako, va randa kufa.

Mavingu 1:18

Se vona va riyela kutheketa mnoha wawe vapune; ve baramela wutomi wawe vapune.

1 Samuwele 22:19

Sawule a to xasela Nobhe, didhoropa da vaphaxeli vale ngu ditxhari; kukhukhela ka wamwamna kala ka wamsikati, kukhukhela ka vanana kala ka timenzani; tihomu, timbongola ni tinvuta, ni sona si datwe ngu ditxhari.

Jeremiya 3:24

Nguko tingana dyite mthumo wa vatate vathu. Kukhukhela hi di ngadi vaphya; tinvuta tawe ni tihomu tawe, sizambzana sawe ni sihoranana sawe.

Sidilo 2:22

U ni rambete votshe va ni va thavako vata nga ova ditshiku da m'buso. Ngu ditshiku da kuhenya ka Mkoma, kupwatekile ni wammweyo wo pshwitimuka, e huluka. Vanana va ni nga va kulisa ni ku va xayisa, mlala wangu a va hetile.

Jeremiya 25:6

Mi nga londiseleni simwani sizimu, mi txi si thumela ni ku si khizamela, mi nga vhilukiseni txiviti txangu ngu mithumo ya manza anu, kasi ani ni si mi maheli kubiha.

Jeremiya 38:17

Sekoko, Jeremiya a to khene ka Zedhekiya: Mkoma, Txizimu txa Mabutho a Tiyimbi, Txizimu txa ka Israyeli, a khene: Ngako u txi huma u ya ti ningeka ka vanana va mfumeli wa Bhabhilona, se awe u na hanya, ni didhoropa diya kha di na mbi hiswa ngu mndilo; u na hanya awe ni nyumba yako.

Ezekhiyele 9:6

Dayelani sikosana ni vavaphya, ni timbiri, ni sifanyana, ni vavasikati, kala ku va fuvisa; aniko votshe vavamna vale va ku ni txikombiso, mi nga va gweseni; kambe khatelani wukhaloni kwangu ko sawuleka. Se va to khata ngu vavamna vale va sikosana, va nga ti ti masoni ka nyumba.