Jeremiya 44:27 - Bhiblia Yo Sawuleka

²⁷ Sekoko ni na va pfisa kupanda na i si nga wunene; se votshe vathu va ka Judha va ku ditikoni ka Egipta va na hetwa ngu ditxhari ni nzala, veza votshe va txi bhi.

Jeremiya 44:27 Referans Kwoze

Jeremiya 31:28

Ku na maheka ati to, nga kule ni nga va emela kasi kudula ni kugangela, ni kuvhinganyisa, ni kukhundumusa, ni kuxanisa, ngu toneto ni na va wonelela, kasi kuaka ni kuphaya, kuwomba Mkoma.

Jeremiya 1:10

Wona, ka diya ditshiku, ni kuveka txitimwi ka matiko ni mifumo, kuva u dula ni kukhundumusa, kuhasamula ni kuwisa, kuaka ni kuphaya.”

2 Vafumeli 21:14

Se ni na leka miboti yile i kuthomba yangu, ni na va ningela manzani ka valala vawe; va na pelwa ni kuhonyolelwa sawe ngu valala vawe.

Ezekhiyele 7:6

Mata magwito, magwito mata, ma wukete kulwa ni nawe; wona taku mata;

Jeremiya 44:18

Aniko kukhukhela hi leka kuhisela dibaselo Mfumeli wa Nzumani ni kuningela miphaxo, hi to kelelelwa ngu sotshe, hi to dawa ngu ditxhari ni nzala.

Jeremiya 44:12

Ni na teka misalela ya Judha, va nga veka tikhohe tawe kuve va txi na wulela Egipta, kasi kuya luvela kona, se va na ya guma votshe ditikoni ka Egipta; va na hetwa ngu ditxhari, ni kufa ngu nzala; va na hetana kukhukhela ka mwanana kala ka wa hombe; ngu ditxhari ni nzala va na fa: Va nava txisekiso ni txixamaliso, txiruko ni txinyenyeko.

Jeremiya 21:10

Nguko ni wonelela didhoropa diya ngu wubihi, na i si nga ngu wunene, kuwomba Mkoma. Di na ningelwa didhoropa diya manzani ka mfumeli wa Bhabhilona, a na di hisa ngu mndilo.”

Jeremiya 9:16

Ni na va hangalasa hagari ka matiko awa vona hambi vatate vawe va nga mbi ma ziva, ni na rumela ditxhari, niza ni va heta.

Jeremiya 39:16

Tsula u txi ya gela Ebhedhi-Meleki Muetiyopiya, u txi khawe: Mkoma wa Mabutho a Tiyimbi, Txizimu txa Israyeli, a khene: Ni na tsanisa timhaka tangu ka didhoropa diya ngu wubihi, na i si nga ngu kutshurisa; ti na maheka masoni kwako kedo ditshiku.

Jeremiya 42:16

sekoko ku na maheka ti to ditxhari di mi di thavako, di txi mi manela, ditikoni ka Egipta, ni nzala yi anu mi yi thavako yi na va ni nanu kona Egipta, mi na fela koneyo.

Jeremiya 44:13

Nguko ni na endela avale va manekako ditikoni na Egipta, nga kule ni nga endela Jerusalema, ngu ditxhari, ni nzala, ni mtungu.

Jeremiya 44:14

Aha kaku kha ku na mbi huluka ni wammweyo e maneka didhawa e sala wa ka Judha a nga wulelela ditikoni ka Egipta, kuya luvela, kasi kuteka ditiko da ka Judha, adi a nga txi navelwa kutshumela eya zumba ka dona; kha va na mbi tshumela, hahanze ka vale va nga huluka.

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Dhaniyeli 9:14

Ngu toneto, Mkoma a xayisile dikhombo diya, se e di tisa txitimwi kwathu; nguko Mkoma, Txizimu txathu a lulamile amu ka mithumo yakwe yotshe yi a nga yi maha, kambe kha hi engisi dipswi dakwe.

Amosi 9:8

Wonani ti to maso a Mkoma Txizimu malwa ni mfumo wa sionho, se ani na wuhoxota wotshe txitimwi ka mafu; kambe kha ni na mbi hoxota nyumba ya Jakobe do gwita: Kuwomba Mkoma.

Jeremiya 9:15

Ngu konaho, kuwomba Mkoma wa Mabutho a Tiyimbi, Txizimu txa Israyeli, a txi khene: Ni na va dyisa manonwe, ni ku va seta txhefu.