Jeremiya 44:24 - Bhiblia Yo Sawuleka

²⁴ Jeremiya a to engeta e womba ka votshe vathu ni ka vavasikati a txi khene: Engisani dipswi da Mkoma anu motshe va ka Judha, mi ku ditikoni ka Egipta.

Jeremiya 44:24 Referans Kwoze

Jeremiya 43:7

Se va to wulela ditikoni ka Egipta, nguko kha va engisa dipswi da Mkoma ka Jeremiya, va to hoka Tafinesi.

Jeremiya 44:26

Ngu toneto, engisani dipswi da Mkoma, motshenu va ka Judha mi zumbako Egipta: Na xambanya ngu ditina dangu da hombe, kuwomba Mkoma, ati to kha di na mbi ngadi di txi khumbukwa kambe ditina dangu ngu txisofu txa m'thu wa ka Judha ditikoni kotshe ka Egipta, a txi khene: Mkoma Txizimu a hanyako!

Jeremiya 42:15

I di keto, pfanani dipswi da Mkoma, anu misalela ya Judha: Kuwomba Mkoma wa Mabutho a Tiyimbi, Txizimu txa Israyeli: Ngako anu ngu ditshuri mi txi rendekelisa tikhohe tanu txidingeni ka Egipta, mi txi wulela kuya luvela kona;

Matewu 11:15

Awu a ku ni tinzeve to engisa a na engise!”

Amosi 7:16

Kambe engisa dipswi da Mkoma: Awe u womba tiya: Khu na mbi profeta Israyeli, hambi kuwombawomba ngu nyumba ya Isaake.

Ezekhiyele 2:7

Aniko awe u na va gela timhaka tangu, mwendo va na tiengisa, mwendo kha va na mbi tiengisa, ngu ku i ku vo kaneta.

Isaya 28:14

Engisani koko dipswi da Mkoma, anu vatseketseli, mi fumelako vathu vava, va manekako Jerusalema.

Isaya 1:10

Engisani dipswi da Mkoma, anu vathangeli va Sodhoma; riyani tinzeve anu vathu va Gomora mi engisa mlayo wa Txizimu txathu.

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.