Jeremiya 44:23 - Bhiblia Yo Sawuleka

²³ Ti komba ku mi hisile dibaselo, mi onhete Mkoma, kambe kha ma thava dipswi da Mkoma, kha ma tsimbila ngu sileleto ni wufakazi wakwe, mi humeletwe ngu dikhombo diya, nga ti ti wonekisako tona ni ka diya ditshiku.

Jeremiya 44:23 Referans Kwoze

1 Vafumeli 9:9

Se va na kha vona: Nguko va nga leka Mkoma, Txizimu txawe, txi txi nga humisa vatate vawe ditikoni ka Egipta, se ve ti gwatamisa ni sizimu sa walo, se va txi nama msoni ka sona, ni ku si thumela; ngu mhaka yeto, Mkoma a tisile txitimwi kwawe kotshe kubiha kuwa.

Masalmo 119:150

Va tshuketela hafuhi avale va ni xanisako ngu makungo a kubiha, ve hambana ni mlayo wako.

Nehemiya 13:18

Ina hi nga tona tiya va nga maha vatate vanu, txiza Txizimu txathu txi tisa dikhombo diya txitimwi kwathu, ni ka didhoropa diya kani? Se anu mingadi mi engetela kuhenya ka Txizimu txitimwi ka Israyeli, ngu ku nyamisa Sabbata.

2 Vakorinto 6:16

Ngu sengela muni ku kuho hagari ka dithepele da Txizimu ni sithombe sa sizimu sa makuhu kani? Nguko athu hi dithepele da Txizimu txi txi hanyako kota nga ti Txizimu txi nga kha txona: “Ni na zumba navo ni txi tsimbila hagari kwawe; ani ni na va Txizimu txawe; vona va na va i di vathu vangu.”

1 Vakorinto 10:20

Se ani kha ni ti lavi ti to mi txi sengela ni madhimoni.

Sidilo 1:8

Jerusalema a onhile ngutu se ngu toneto, a tote nzambwa. Votshe vale va nga ti mxonipha, se vamnyenyile, nguko va woni wumbwiri wakwe; se ene apune wa kuma a txi namisa thamo.

Jeremiya 44:21

Ina a ngava a sa alakanya Mkoma, kha da hoka mbiluni kwakwe dibaselo dile mi nga hisa madhoropani ka Judha ni tinzilani ka Jerusalema, anu ni vatate vanu, ni vafumeli vanu ni tinduna, kumweko ni vathu va ditiko kani?

Jeremiya 44:18

Aniko kukhukhela hi leka kuhisela dibaselo Mfumeli wa Nzumani ni kuningela miphaxo, hi to kelelelwa ngu sotshe, hi to dawa ngu ditxhari ni nzala.

Jeremiya 44:8

Mi txi ni henyisa ngu mithumo ya manza anu, mi txi hisela miphaxo sizimu sa walo ditikoni ka Egipta, eyo mi nga wulela kuya luvela kona, kasi ku anu mi txi ti lovisa, ni ku mi va txiruko ni kutseketselwa hagari ka matiko otshe ha mafuni kani?

Jeremiya 40:3

Mkoma a di nehile, e maha ti a nga womba, nguko mi ti ti onhete Mkoma, mi si engisi dipswi dakwe, miza mi humelwa ngu totshe tiya.

Masalmo 119:155

Kuhanyiswa ku kule ka vabihi, nguko kha va lavi sileleto sako.

Masalmo 78:56

Aniko Vaisrayeli va dukile Txizimu Nyatxitimwi, ve txi wukela, va si vekisi milayo ya txona.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

Masalmo 78:10

kha va xonipha txitumelelano txawe ni Txizimu kambe va lambile kuvekisa mlayo wa txona;

Masalmo 119:136

Mirongo yangu ya khulunga nga mnambo, nguko mlayo wako kha wu xoniphwi.

Jeremiya 26:4

Va gele, u txi khawe: Mkoma a khene: Ngako mi si engisi mi txi tsimbila ngu mlayo wangu, awu ni nga mi ninga,

Jeremiya 44:2

A womba tiya Mkoma wa Mabutho a Tiyimbi, Txizimu txa Israyeli: Anu mi woni wotshe wubihi wu ni nga wu maha txitimwi ka Jerusalema, ni txitimwi ka otshe madhoropa a ka Judha, wona ti taku ona nziwula, kha ku nga ni wo zumba ka ona;

Jeremiya 44:3

ngu mhaka ya kubiha ku va nga kumaha, va txi ni henyisa, ve hisela miphaxo sizimu sa walo ni ku si thumela, vona, anu, ni vatate vanu.

Jeremiya 44:10

Kha mi ti soli kala ni nyamsi kuwa, kha mi kombi txithavo, kha ma tsimbila ngu milayo yangu ni sileleto sangu, ni nga si veka masoni kwanu ni ka vatate vanu.

2 Vafumeli 17:15

Se va to lamba sileleto ni txitumelelano a nga ti txi mahile ni vatate vawe, ni wufakazi wule va nga ti mahile vatate vawe, va to tsimbila ngu wukanganyisi, na i ti maphanga, kufana ni mifumo yile yi nga ti ti madhawani kwawe, ayile Mkoma a nga ti ti va gete ku va nga yi londete.

Dhaniyeli 9:13

Dotshe dikhombo dile di hi wete madingano ni tile ti nga bhalwa Mlayoni ka Mosi; hambi keto, kha ha dila masoni ka Mkoma, Txizimu txathu, ngu kuleka sionho sathu, ni ti to hi xayisa wunene wako.