Jeremiya 44:15 - Bhiblia Yo Sawuleka

¹⁵ Sekoko va to mu xamula Jeremiya votshe vavamna vale va nga ti tiziva ti to vasikati vawe va hisela dibaselo sizimu sa walo, ni dotshe dibutho da hombe da vavasikati vale va nga ti emile, kumweko ni votshe vathu vale va nga ti ti zumba Patrosi ditikoni ka Egipta, va txi kha vona:

Jeremiya 44:15 Referans Kwoze

Mavingu 11:21

Wo biha hambi a txo pata dianza ka dianza, kha na mbi huluka kutsayiswa, aniko liveleko la vo luluma li na huluka.

Matewu 7:13

“Wulelani ngu txike txo songa, nguko txike txa kuanama ni nzila ya kuanama si yisa kulovani; se mbavangi va wulelako ngu sona.

Nehemiya 13:26

Ina hi nga toneto Solomoni, mfumeli wa ka Israyeli, a nga onha ngu tona, ku si nga ngadi ni mfumeli wo nga ene hagari ka matiko o tala, wa ku randwa ngu Txizimu txakwe, se Txizimu txi mveka kuva mfumeli wa dotshe ditiko da ka Israyeli kani? Hambi keto vavasikati va matiko, va to muonhisa.

Genesisi 19:4

Na va sinzi kuya kuotelani nyumba ya Loti yi to randelwa ngu votshe vathu va didhoropa, vathu va Sodhoma, vadotho ni vahombe,

Isaya 1:5

Ngu kutxani mi no tsayiswa, nga kusimama miya masoni ngu kueyisa kani? Wotshe msungo wa lwala, ni yotshe mbilu yi pandisekile.

Isaya 48:5

Ngu toneto, ni kuzivisile kukhukhela kale, kambe ni kuzivisile na ti sanzi kumaheka, kasi ku u si khawe: “Simaha siya si mahilwe ngu txithombe txangu, mwendo txifananiso txangu txo vatwa, mwendo txifananiso txangu txo wumbwa,” si rumisile kumaha.

Jeremiya 44:19

Ina mbimo yile hi nga hisela dibaselo Mfumeli wa txisikati wa Nzumani ni ku mninga miphaxo ni sa kusela, hi mmahela sibhubhutela kasi ku m'dhunda, ni ku mninga sa kusela hi si nga ni vamna vathu kani?

Jeremiya 44:24

Jeremiya a to engeta e womba ka votshe vathu ni ka vavasikati a txi khene: Engisani dipswi da Mkoma anu motshe va ka Judha, mi ku ditikoni ka Egipta.

Ezekhiyele 29:14

Se ni na thavisa wukhumbi wa Vaegipta, ni txi va wuyisa ditikoni ka Patrosi, i ku ditiko di va nga ta ngu ka dona; koneyo, va na va mfumo wa wudotho.

Ezekhiyele 30:14

Se Patrosi a na va dirumbi, ni na hisa Zowani, ni na lamula Nomi.

Dhewuteronome 13:7

hagari ka sizimu sa vathu vale i ku vaakelani vanu, va hafuhi mwendo va kule ni nawe, kukhukhela magwito ka mafu kala kumwani magwito,

Jeremiya 44:1

Dipswi di nga ta ka Jeremiya madingano ni votshe Vajudha va nga txi maneka ditikoni ka Egipta, kona Migidholi ni Tafinasi, ni Nofe, ni ditikoni ka Patrosi, di txi kha dona: