Jeremiya 43:9 - Bhiblia Yo Sawuleka

⁹ Teka marigwi a hombe manzani kwako, ma kopolele ngu ndope, hahatshi ka txike txa nyumba ya Faro, kona Tafinesi va txi kuwona Vajudha.

Jeremiya 43:9 Referans Kwoze

Mtuletelo 18:21

Konako ngelozi ya mtamo yi to gula dirigwi do nga txiwindi txa hombe txa txigayo, yi di rinza lineneni, yi txi kha yona: “Ngu mtamo wo fana ni wona wuwa, Bhabhilona, Didhoropa da Hombe, a na rinzwa lineneni, se kha na mbi swa e manwa.

Mithumo 21:11

Ene a to hi tshuketela e teka libhande la Paulo, a txi ti sunga ngu lona minenge ni mawoko, a txi khene: “Moya wo Sawuleka wu womba tiya: ‘Vajudha va na ya sungisa tona tiya, Jerusalema, dijaha di i ku nyamne wa libhande liya, se va na di ningela manzani ka vamatiko.’ ”

Nahume 3:14

Reka mati u ma vekela ditshiku da kurandelwa kwako, tsanisa mikhokhola yako, wulela ndopeni, kandetela dibumba, u lulamisa m'dhikila wo hisa sitini.

Hoseya 12:10

Se ni na womba-womba ka vaprofeti, ni engetela siwoniso, kambe ngu ka mthumo wa vaprofeti, ni na va komba ngu sifananiso.

Ezekhiyele 4:1

Txizimu txi ti kha txona: Awe mwanana wa m'thu, teka txitini, u txi txi veka masoni kwako, u bhala ka txona didhoropa da Jerusalema.

2 Samuwele 12:31

Se a to tisa vathu vale va nga ti ti ka dona, e va veka amu ka mthumo wa masaho, ni mithumoni ka misuka, ni ka matxhapu, e va pindisa ngu ka sikho sa sitini; se a to mahisa toneto ka otshe madhoropa a vanana va ka Amoni. Dhavhidha ni votshe vathu va to tshumela ve wuya Jerusalema.

Eksodha 1:14

ngu kumaha keto, va to va pfisa kupanda kuhanyani kwawe, ngu wukhumbi wo nemela, ngu kuvhuva txitsowo ni kubhaka sitini, mithumo yo hambana-hambana, ya tithembweni ni mithumo yotshe yi va nga txi va ruma ku yi maha.

Jeremiya 43:8

Sekoko di to ta dipswi da Mkoma ka Jeremiya, kona Tafinesi, di txi ta kha dona:

Jeremiya 43:10

U txi khawe kwawe: Mkoma wa Mabutho a Tiyimbi, Txizimu txa Israyeli, a khene: Ni na rumela ka Nebhukodhonosori, mfumeli wa Bhabhilona, txithumi txangu, ni na veka mfumo wakwe txitmwi ka marigwi awa, ni nga ma khweketela, ene a na gwimba ditenda da mfumo wakwe txitimwi ka ona.

Jeremiya 44:30

Mkoma a khene: Wonani ti to ni na ningela Faro Hofira, mfumeli wa Egipta, manzani ka valala vakwe, ni manzani ka vale va xotako kum'daya, nga kule ni nga ningela Zedhekiya, mfumeli wa ka Judha, manzani ka Nebhukodhonosori, mfumeli wa Bhabhilona, i ku mlala wakwe a nga ti lava ku m'daya.

Jeremiya 25:19

Hambi Faro, mfumeli wa Egipta, ni maxonga akwe, ni tinduna takwe, ni votshe vathu vakwe;