Jeremiya 43:13 - Bhiblia Yo Sawuleka

¹³ A na khundumusela tiphande ta Bheti-Xemexe ka ditiko da Egipta, a txi hisa tinyumba ta sizimu sa Vaegipta.

Jeremiya 43:13 Referans Kwoze

Isaya 19:18

Ka yona yile mbimo, ku nava ni mtxhanu wa madhoropa ditikoni ka Egipta, ma no womba-womba lidimi la Kanana, se ma na maha txixambanyo ka Mkoma wa Mabutho a Tiyimbi; dimwedo di na dhanwa ti to Didhoropa da Kuloviswa.

Genesisi 41:45

Faro a to raya Josefa ditina, daku i Safaneti-Faneki, e mninga Asenati, mwana Potifera mphaxeli wa Oni, e maha msikati wakwe. Se Josefa a to tsimbila-tsimbila ka ditiko dotshe da Egipta.

Isaya 46:2

Si namile kumweko, si txiwa; kha sa sikota ku tihulukisa ka mrwalo, aniko moya wa sona wu wulete wukhumbini.

Jeremiya 43:12

A na dhivela mndilo tinyumbani ka sizimu sa Vaegipta ti txihya, a na yisa wukhumbini sifananiso sa sizimu sawe, a na basisa ditiko da Egipta nga ti m'dyisi a thaviselisako tona sigalani ka syambalo sakwe, a txi huma ngu kuthutha.

Jeremiya 44:1

Dipswi di nga ta ka Jeremiya madingano ni votshe Vajudha va nga txi maneka ditikoni ka Egipta, kona Migidholi ni Tafinasi, ni Nofe, ni ditikoni ka Patrosi, di txi kha dona:

Jeremiya 46:25

Mkoma wa Mabutho a Tiyimbi, Txizimu txa Israyeli, a khene: Wona taku ni na tsayisa Amoni wa No, ni Faro, ni Egipta, ni sizimu sa kona ni vafumeli vawe; kwakwe apune Faro, ni ka vale va mthembako.

Ezekhiyele 26:11

Ngu sitsendo sa mahantxhi akwe, a na ganyatela totshe tinzila tako; a na daya vathu vako ngu ditxhari, ni tiphande ta mkhokhola wako ti na wa hahatshi.

Dhaniyeli 11:8

Se sizimu sawe, ni sithombe sawe sasingi, ni siya sawe sa lisima, sa silivhela ni sa nzalama, a na si teka e si yisa Egipta; se ngu malembe okari, ene kha na mbi tsana kuwukela mfumeli wa Wuphemba.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Jeremiya 10:11

Mi na va gelisa tiya, mi txi khanu: Sizimu si si nga mbi maha nzuma ni mafu, si na mwalala ditikoni, ni hahatshi ka nzuma.

Jeremiya 25:19

Hambi Faro, mfumeli wa Egipta, ni maxonga akwe, ni tinduna takwe, ni votshe vathu vakwe;

Ezekhiyele 30:13

Mkoma Txizimu a khene: Kambe ni na khundumusela sithombe, ni kufuvisa sifananiso sa Nofe; kha ku na mbi ngadi kuva ni mthangeli wa ditiko da Egipta; ni na veka kuthava ditikoni ka Egipta.

Ezekhiyele 30:17

Majaha a Avheni ni a Pi-Bheseti va na dawa ngu ditxhari, se madhoropa awa ma nava wukhumbini.