Jeremiya 43:12 - Bhiblia Yo Sawuleka

¹² A na dhivela mndilo tinyumbani ka sizimu sa Vaegipta ti txihya, a na yisa wukhumbini sifananiso sa sizimu sawe, a na basisa ditiko da Egipta nga ti m'dyisi a thaviselisako tona sigalani ka syambalo sakwe, a txi huma ngu kuthutha.

Jeremiya 43:12 Referans Kwoze

Ezekhiyele 30:13

Mkoma Txizimu a khene: Kambe ni na khundumusela sithombe, ni kufuvisa sifananiso sa Nofe; kha ku na mbi ngadi kuva ni mthangeli wa ditiko da Egipta; ni na veka kuthava ditikoni ka Egipta.

Isaya 49:18

Gula maso u wona madhawani; votshe va va sengeletanako, vata kwako; na hanya ani, kuwomba Mkoma, taku u na ti ambeka ngu vona u ti bombisa, se u na ti ambeka ngu vona kufana ni txitekwa.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Jeremiya 48:7

Nguko, ngu mhaka ya ku u thembako mithumo yako ni tithomba tako, na nawe u na xulwa; Kemoxe a na yiswa wukhumbini, kumweko ni vaphaxeli ni vathangeli.

Jeremiya 46:25

Mkoma wa Mabutho a Tiyimbi, Txizimu txa Israyeli, a khene: Wona taku ni na tsayisa Amoni wa No, ni Faro, ni Egipta, ni sizimu sa kona ni vafumeli vawe; kwakwe apune Faro, ni ka vale va mthembako.

Masalmo 104:2

Ene wa ti fenengeta ngu liwoningo nga txyambalo a nawuluta tinzuma kufana ni m'jiyo.

Jobe 40:10

Ti bombise koko ngu kuenela ni kuguleka; u txi ti ambeka kuthaviseka ni wudhumo.

Esteri 6:9

se syambalo siya ni dihantxhi diya si na ningelwe manzani ka mmweyo wa vathangeli va mfumeli, wa hombe wa vathangeli, kasi ku e ambekwa m'thu wule mfumeli a tsakelako ku mtxhatxhazela; e tsimbitiselwa ngu dihantxhi tiruwani ka didhoropa, kuhuwelela masoni kwakwe, va txi kha vona: Atiya ti mahelwa m'thu wule mfumeli a tsakelako ku mtxhatxhazela!

2 Samuwele 5:21

Se va to siya sithombe sawe so vatwa koneho; kambe Dhavhidha ni vathu vakwe va to si teka.

Eksodha 12:12

Ka wusiku wonewo ni na pinda ditikoni ka Egipta kambe ni na daya otshe matiwula a vanana va ditikoni ka Egipta, kukhukhela ka vathu kala ka sifuyo; kambe ni na lamula sizimu sotshe sa Egipta, nguko ani ngani Mkoma.

Vakolosa 3:14

Kambe txitimwi ka sotsheso, ambalani lirando, i ku txitsaniso txo hetiseka;

Vakolosa 3:12

Nga ti mi nga sawulwa ngu Txizimu, mi manekako mi di basile ni kurandeka, ambalani moya wa wumbilu, wa wunene, wa kutiveka hahatshi, wa kuthutha ni wa kutimisela;

Vaefesu 6:11

Ti vhikeleni ngu matxhari a Txizimu, kasiku mi sikota kuxula siduko sa Sathani;

Vaefesu 4:24

mi txi londetela mahanyelo a m'thu wamphya, awu a nga vangwa e mahwa txifaniso txa Txizimu ngu wululami wa ditshuri ni wusawuleki wa ditshuri.

Varoma 13:12

Wusiku wu pindile, kutxa ka tshuketela. He lekeni mithumo ya txidema, he xomeni matxhari a liwoningo.

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

Jeremiya 51:44

Ni na tsayisa Bheli kona Bhabhilona, ni na mkosisa asile a nga si mita, kha na mbi ngadi e dhundwa kambe ngu matiko. Ni diguma da Bhabhilona di wite.

Jeremiya 50:2

Zivisani hagari ka matiko; pfalisani, mi txi gwimba m'jeke, pfalisani mi nga feketeleni; wombani mi txi khanu: Ku tekilwe Bhabhilona, a phazamisilwe Bheli, a gumutwe Merodhaki, si wisilwe tingana sifananiso sawe, sizimu sawe si wisilwe.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Isaya 61:5

Kambe ku nava ni valuveli va va no dyisa mitxhambi yanu, se vathu va matiko mamwani, va na maha vadimi vanu, ni vaxayisi va mivhinya yanu.

Isaya 59:17

Nguko a ti ambekile kululama, ku nga txikatawu txa simbi, e sanzeka txigoko txa kuhanyisa ha msungo kwakwe, se a to ambala syambalo so ti photela, e fenengela txiluse txi txi nga dijasi.

Isaya 52:1

Wuka, wuka, ambala mtamo wako, awe Siyoni; ambala syambalo sako so tshura ngutu, awe Jerusalema, didhoropa do sawuleka; nguko kwako kha ku na mbi thuka ku txi wulela awu a nga mbi ya wukwerani, hambi wa kwa mbi basa.

Isaya 46:1

Bheli a wisilwe, Nebho a namile, sithombe sawe si vekwa txitimwi ka sihari, txitimwi ka sihari sa hombe; mirwalo ya tithundu tanu, ya karalisa sihari sa hombe so karala.

Isaya 21:9

Se wonani konkuwa, wata mtxawa wa vavamna ni vagadhi va mahantxhi ngu vambidi-vambidi. Sekoko, a to xamula a txi khene: “Di wite ditiko da Bhabhilona, di wite!” Se sotshe sifananiso sa sizimu sawe so vatwa, si fayekete ha mafuni.

Masalmo 132:18

Ni na thela pfilu-pfilu ka valala vakwe; aniko kwakwe m'bhoti wakwe wu na kuphatima.”

Masalmo 132:16

Ni na ninga vaphaxeli va wona mtamo wa kulamulela vamwani se vasawuleki va kona va na tsaka ngutu.

Isaya 46:2

Si namile kumweko, si txiwa; kha sa sikota ku tihulukisa ka mrwalo, aniko moya wa sona wu wulete wukhumbini.

Jeremiya 43:13

A na khundumusela tiphande ta Bheti-Xemexe ka ditiko da Egipta, a txi hisa tinyumba ta sizimu sa Vaegipta.

Jeremiya 49:27

Ni na dhivela mndilo digumani ka Dhamasku, awu wu no hisa tinyumba ta hombe ta Bhenadhadhi.

Ezekhiyele 29:11

Kha ku na mbi pinda mkondo wa m'thu ngu ka dona, hambi mkondo wa txihari kha wu na mbi pinda ngu ka dona, kha ku na mbi va ni vo zumba amu ka mune wa magumi a malembe.

Dhaniyeli 11:8

Se sizimu sawe, ni sithombe sawe sasingi, ni siya sawe sa lisima, sa silivhela ni sa nzalama, a na si teka e si yisa Egipta; se ngu malembe okari, ene kha na mbi tsana kuwukela mfumeli wa Wuphemba.

Jeremiya 10:11

Mi na va gelisa tiya, mi txi khanu: Sizimu si si nga mbi maha nzuma ni mafu, si na mwalala ditikoni, ni hahatshi ka nzuma.

Jeremiya 10:15

Sona kha si nyawuli, mithumo ya wulundumisi; ka mbimo ya kutsayisa si na lova.

Jeremiya 25:19

Hambi Faro, mfumeli wa Egipta, ni maxonga akwe, ni tinduna takwe, ni votshe vathu vakwe;

Ezekhiyele 29:19

Ngu tona eto, Mkoma Txizimu a khene: Wona taku ni na ningela ditiko da Egipta ka Nebhukodhonosori, mfumeli wa Bhabhilona, kambe a na teka ni mabutho a kona, e teka ni sile so handwa, ni kupa sile si nga manwa, nguso di no wuyelwa ngu sona dibutho dakwe.