Jeremiya 43:10 - Bhiblia Yo Sawuleka

¹⁰ U txi khawe kwawe: Mkoma wa Mabutho a Tiyimbi, Txizimu txa Israyeli, a khene: Ni na rumela ka Nebhukodhonosori, mfumeli wa Bhabhilona, txithumi txangu, ni na veka mfumo wakwe txitmwi ka marigwi awa, ni nga ma khweketela, ene a na gwimba ditenda da mfumo wakwe txitimwi ka ona.

Jeremiya 43:10 Referans Kwoze

Jeremiya 1:15

Nguko ni na dhana tixaka totshe ta matiko a Wuphemba, kuwomba Mkoma; ngu lixaka limwelo ni limwelo ni nata veka txikhalo txa lona txa wukoma, ha txikeni ka Jerusalema, ni kuwukela maguma a ma ranganyetako didhoropa, ni kuwukela otshe madhoropa a Judha.

Isaya 44:28

ni wombako ngu Siro, ni txi khani: M'dyisi wangu, a na maha totshe ti ti ni tsakisako; a txi khene kambe ka Jerusalema: U na aketwa; se ni ka dithepele a txi khene: Ti akete.

Masalmo 31:20

Ngu kuvhikelwa masoni kwako, wa va emela ka sikungo so biha sa vathu; kota txibhiya txo tsana, awe wa va vhikela ka siruko sa valala vawe.

Masalmo 27:5

Ngako ma txi ni hokela masiku a kubiha, Moma a na ni lwela; ene wa ni sisa nyumbani kwakwe; a na ni hulukisa ngu ku ni veka txitimwi ka dirigwi.

Masalmo 18:11

Txizimu txi to sisala mndani ka txidema txi ti bhiyela ngu marefu a hombe o tala ngu mati.

Matewu 22:7

Se mfumeli a di ti pfite eto, a to henya ngutu e ruma tiyimbi takwe kuya fuvisa sigevenga sile, ve hisa didhoropa da sona.

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.

1 Vafumeli 20:16

Se va to huma ngu hagari ka mitshikari. Bheni-Hadhadhe a ti ko sela e leva matendani mule, ene ni vamwani vafumeli, magumi mararu a vafumeli ni vambidi, va nga ti m'vhuna.

1 Vafumeli 20:12

Se ku to maheka ati taku mbimo yi a nga pfa xamulo yile, a di mu ka kusela ene ni vamwani vafumeli amu matendani, a to khene ka sithumi sakwe: Ti lulamiselemi mi lwisa didhoropa.

Isaya 45:1

Mkoma a wombi tiya ka mtotiwa wakwe Siro, awule ni mñolako ngu dianza dakwe da txinene, kasi ku ni xula matiko masoni kwakwe; ni na thukunyula siwunu sa vafumeli, kasi kutula matimba masoni kwawe, kambe matimba kha ma na mbi sekwa.

Jeremiya 43:9

Teka marigwi a hombe manzani kwako, ma kopolele ngu ndope, hahatshi ka txike txa nyumba ya Faro, kona Tafinesi va txi kuwona Vajudha.

Jeremiya 46:13

Dipswi di Mkoma a ngadi womba ka Jeremiya, mprofeti, madingano ni kuta ka Nebhukodhonosori, mfumeli wa Bhabhilona, ku ta xasela ditiko da Egipta.

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Jeremiya 49:38

Wukoma wangu ni na wu veka kona Elame; se ni na fuvisa vafumeli ni vathangeli vawe, kuwomba Mkoma.