Jeremiya 43:1 - Bhiblia Yo Sawuleka

¹ Mbimo yi Jeremiya a nga gwita kuwombawomba ka vathu votshe mapswi a Mkoma, Txizimu txawe, i ku mapswi otshe ya a nga rumwa ngu Mkoma, Txizimu txawe,

Jeremiya 43:1 Referans Kwoze

Jeremiya 26:8

Ngako Jeremiya a di gwitile kutxhumayela, totshe ti a nga rumwa ngu Mkoma kuzivisa votshe vathu, vaphaxeli ni vaprofeti ni votshe vathu, va to kha vona: Ngu ditshuri, u na kufa!

Jeremiya 51:63

Se aha u no gwita kugonda dibhuku diya, u na di sunga ha ka dirigwi u txi di vinza hagari ka Ewufrate.

Jeremiya 42:22

Ti ziveni koko ngu ditshuri tito, mi na dawa ngu ditxhari, ngu nzala ni mtungu, konaho mi nga ya luvela kona.

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Mithumo 5:20

“Tsulani Dithepeleni, mi txi ya gela vathu timhaka tiya totshe ta wutomi wa wuphya.”

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Jeremiya 26:2

Ema ngu mthandani ka Nyumba ya Mkoma, u txi womba-womba ka vathu va miti ya ka Judha, ava va tako kuta khozela Nyumbani ka Mkoma, ka totshe timhaka ti ni nga kuruma kutxhumayela kwawe, u nga siye ni ya yimweyo.

Jeremiya 1:17

Awe koko, tisunge txiwunu txako, u ema, u va gela totshe ti ni no kuruma tona. Masoni kwawe u nga dhuke u thava, nguko ni nga kumaha u dhudhumela masoni kwawe.

Jeremiya 1:7

Aniko Mkoma a to khene kwangu: “U nga wombe ku khawe: Ni ngadi mwanana; nguko ni hayi ni no kuruma, u na tsula; se ni totshe ti ni no kugela u na ya womba.

1 Samuwele 8:10

Se Samuwele a to womba otshe mapswi a Mkoma ka vathu, vale va nga ti kombela mfumeli,

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Genesisi 19:14

Sekoko Loti a to ya khene ka majaha ale ma nga txi lava kuteka mahorana akwe: “Khukhani, humani ka wukhalo wuwa. Nguko Mkoma a lava kuhaxula didhoropa.” Kambe atiya ti to wombwa vakanganyisi.

Jeremiya 5:12

Va kaneta Mkoma, va txi kha vona: “Hi nga ene! Lambi, kha ku na mbi wa dikhombo txitimwi kwathu; hambi ditxhari mwendo nzala, kha hi na mbi si wona!

Jeremiya 42:21

aniko, ngako ni nga mi gela tiya nyamsi, kha ma engisa dipswi da Mkoma, Txizimu txanu, ka ni txihi txilo a nga ni ruma ngu txona kwanu.