Jeremiya 42:21 - Bhiblia Yo Sawuleka

²¹ aniko, ngako ni nga mi gela tiya nyamsi, kha ma engisa dipswi da Mkoma, Txizimu txanu, ka ni txihi txilo a nga ni ruma ngu txona kwanu.

Jeremiya 42:21 Referans Kwoze

Ezekhiyele 2:7

Aniko awe u na va gela timhaka tangu, mwendo va na tiengisa, mwendo kha va na mbi tiengisa, ngu ku i ku vo kaneta.

Mithumo 20:20

Txi walo ni txa tximwetxo ni nga mi sisela ka sile ni nga tiziva ti to sa mi vhuna; aniko ni txhumayete, ni mi gondisile masoni ka vathu ni tinyumbani kwanu;

Ezekhiyele 3:17

Awe mwanana wa m'thu, ni kuvekile kuve muwoneleli wa nyumba ya ka Israyeli; se awe u na pfa dipswi da txisofu txangu, se u na va txharihisa wukhaloni kwangu.

Dhewuteronome 29:19

Kambe ku nga thuke ku txi maneka m'thu waku, ngako a di engisile mapswi a txixambanyo txiya, a txi ti dhumisa mbiluni kwakwe, a txi khene: “Ni na va ni kudikha, hambi ni txi ti ningetetela ka ta walo, madingano ni kuranda ka mbilu yangu, nguko kutala ka mati ku na thavisa ditora.”

Jeremiya 43:1

Mbimo yi Jeremiya a nga gwita kuwombawomba ka vathu votshe mapswi a Mkoma, Txizimu txawe, i ku mapswi otshe ya a nga rumwa ngu Mkoma, Txizimu txawe,

Jeremiya 43:4

Johanani koko, mwana Kareya, ni tinduna totshe ta yimbi, hambi ni votshe vathu, kha va engisa dipswi da Mkoma, kasi kuzumba ditikoni ka Judha.

Dhewuteronome 30:15

Wona ti to ni veka masoni kwako wutomi ni tinene, kufa ni kubiha;

Dhewuteronome 30:19

Nyamsi ni kombela nzuma ni mafu si txi maha tifakazi to ni emela kwanu, ti to ni vekile masoni kwako wutomi ni lifo, sikatekiso ni makhombo. Sawula wutomi, kasi ku u na hanya awe ni liveleko lako,

Masalmo 81:12

Ngu toneto, ni va lekile ve maha kuranda kwawe ni kulondetela minavelo yawe.

Jeremiya 43:7

Se va to wulela ditikoni ka Egipta, nguko kha va engisa dipswi da Mkoma ka Jeremiya, va to hoka Tafinesi.

Ezekhiyele 33:31

Se vona vata kwako, nga tile vathu va tisako tona kwako, ve ta khalahatsha masoni kwako kufana ni vathu vangu, kambe ve engisa dipswi dako, aniko kha va mahi txilo; va tumeletela ngu sisofu sawe, kambe timbilu tawe ti londetela ta minavelo yawe.

Ezekhiyele 33:32

Se wona taku, kwawe u fana ni ndando ya lirando, ndando ya wule a ku ni dipswi do pfisiseka, a tshambiselako di txi kugwesa; nguko wa mapfa mapswi ako, aniko kha ma thumi ta txilo.