Jeremiya 42:2 - Bhiblia Yo Sawuleka

² va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako:

Jeremiya 42:2 Referans Kwoze

Jeremiya 36:7

Mwendo va na khongela masoni ka Mkoma, se ve hunduluka mmwani ni mmwani ka nzila yakwe yo biha, nguko kuhenya ni txiviti txa Mkoma nza hombe, asi a wukelako ngu sona vathu vava.

Levhi 26:22

Ni na leka sihari sa txitinga si dayela vanana vanu, si na heta sifuyo sanu, si mi heta nanu mi sala mi di vadotho, se tinzila tanu ti na maha mapfhela.

Jakobe 5:16

Zivisanani sionho sanu, mi txi kombelelana, kufela ku mi txi hanyiswa. Mkombelo wa lisima wa mlulami wu ni mtamo ngutu.

Mithumo 8:24

Simoni a to xamula, a txi khene: “Ni khongeleleni anu ka Mkoma ti to ni si thuki ni txi humelwa ngu txilo ni txa tximwetxo ka si mi nga si womba.”

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Isaya 37:4

Ina Mkoma, Txizimu txako, a ngava a di ma pfite mapswi a Rabhisake, wule a nga rumwa ngu nyamne wakwe, i ku mfumeli wa Asiriya, ku ta sola Txizimu txa kuhanya, ni ku ta txhipisa ngu mapswi awa Mkoma, Txizimu txako, a nga ma engisa; khongelela sotshe sile si nga sala.”

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

1 Samuwele 12:19

Se vathu votshe va to kha vona ka Samuwele: Kombelela sithumi sako ka Mkoma Txizimu txako, kasiku hi si fi; nguko ka sotshe sionho sathu hi engetete wubihi wuwa, wa ku ti kombelela mfumeli.

1 Samuwele 7:8

Ngu kumaha keto, vanana va ka Israyeli va to kha vona ka Samuwele: U nga karale ku hi pekela huwa ka Mkoma Txizimu txathu, kasiku a txi hi hulukisa manzani ka Vafilista.

Jeremiya 37:20

Sekoko mfumeli, nyamne wangu, pfana txikombelo txangu, u nga ni tshumetele nyumbani ka Jonatani mabhalani, ni nga fela kona.

Jeremiya 37:3

Mfumeli Zedhekiya a to ruma Jehukali, mwana Selemiya, ni Zefaniya, mwana Mahaseya, mphaxeli, ka Jeremiya, a txi ya khene: Hi kombelele kona kuwa masoni ka Mkoma, Txizimu txathu.

1 Vafumeli 13:6

Sekoko mfumeli a to xamula a txi khene ka m'thu wa Txizimu: Khongela masoni ka Mkoma Txizimu txako, ni kombelele ti to dianza dangu di kalamuka. Sekoko m'thu wa Txizimu a to kombela masoni ka Mkoma, se dianza da mfumeli di to wuya txikale txa dona.

Dhewuteronome 28:62

Ku na sala vathu vavadotho kwanu, anu mi nga ti vavangi nga tinyeleti ta nzumani. Ngu mhaka ya kwa mbi engisa kwanu dipswi da Mkoma, Txizimu txanu.

Eksodha 8:28

Sekoko Faro a to khene: “Ni na mi leka mi tsula, mi ya maha mphaxo ka Txizimu txanu txiwulani; aniko mi nga yeni kule; ni khongeleleni nani.”

Matewu 24:22

Se idiku ma sa komiswa masiku ale, kuwalo ni txivangwa tximwetxo txi ndino sikota kuhuluka. Aniko, ngu mhaka ya vasawuleki, masiku ale ma na komiswa.”

Ezekhiyele 12:16

Aniko, hagari kwawe ni na siya vokari, vo huluka ka ditxhari, ka nzala ni mtungu, kasi ku va na xawutela manyala awe ka matiko ale va no ya ka ona; se va na tiziva taku ani ngani Mkoma.

Jeremiya 42:20

Nguko anu mipune mi ti kanganyisile, mbimo yile mi nga ni ruma ka Mkoma, Txizimu txanu, mi txi: Hi kombelele ka Mkoma, Txizimu txathu, u nata hi gelisa toneto, hi na maha;

Jeremiya 21:2

“Hi nga hi wotisela ka Mkoma, nguko Nebhukodhonosori, mfumeli wa Bhabhilona, wa hi xasela; mwendo Mkoma a na hi mahela sixamaliso sakwe, ti taku ene e khukha kwathu.”

Isaya 1:15

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

1 Samuwele 12:23

Se ti nave kule ni nani kuonhela Mkoma, ngu kuleka ku mi kombelela; kambe ni na mi gondisa nzila ya yi nene ni yo lulama.

Dhewuteronome 4:27

Mkoma a na mi hangalasa hagari ka vamatiko, se mi na sala mi di va mtengo wa wudotho, hagari ka mifumo yiya, Mkoma a no va a txi mi yisa ka yona.

Eksodha 9:28

Khongelani ka Mkoma a txi emisa singwalangwanda kumweko ni mati a maralala. Ani ni na mi leka mi txi tsula, kha ni na mbiswa ni txi mi ñola kambe.

Jeremiya 15:11

Hambi i di keto, Mkoma a to xamula, a txi khene: Kunene ni na ku tsaniseta ti to u txi humelela, ni na maha ti to mlala wako e kukombela, ngu mbimo ya makhombo ni kuxaniseka.

Jeremiya 38:14

Sekoko mfumeli Zedhekiya a to va ruma kuya dhana mprofeti Jeremiya ku va e maneka ka txike txa wuraru txa Nyumba ya Mkoma. Se mfumeli a to khene ka Jeremiya: Na nga ku wotisa mhaka, u nga ni sisele txilo.

Jeremiya 40:15

Hambi keto, Johanani, mwana Kareya, a to lengela Gedhaliya va ti Misipa, a txi khene: “Ni na tsula kona kuwa ni txi ya daya Ismayeli, mwana Netaniya, na ti si zivwi ngu m'thu: Ngu kutxani a lavako ku kudaya, vathu va ditiko da Judha va ku ni nawe va na hangalaka, vamwani ve sala ve lova?”

Hoseya 8:10

Hambi keto, hambi va txi rumela sihiwa ka mamwani matiko, ani ni na va sengeleta; se va khatile kuguma ngu mhaka ya mrwalo wa mfumeli wa vathangeli.

Amosi 7:2

Se ku to maheka taku: Ngako va nga ti dyite mwasi wotshe wa ditiko, ani ni ti khani: Mkoma Txizimu, divalela! A na guletiswa kutxani Jakobe kani? Nguko ene m'dotho.

Dhewuteronome 28:63

Ngu toneto, kufana ni kuwa Mkoma a nga txi tsaka ngu ku mi mahela ta tinene, ni ku mi andisa, kufana ni toneto, a na tsaka kambe ngu kuva mi txi loviswa, mi txi fuva; nanu mi na dulwa mi txi humiswa ka ditiko di mi yelako kuya di teka.

Masalmo 119:170

Txikhongelo txangu txi na hoke masoni ka khohe yako; ni txhatxhise, madingano ni kuwomba kwako!

Isaya 42:20

Awe wa wona so maha sasingi, aniko khu si vekisi; hambi u di tute tinzeve, khu engisi txilo.

Jeremiya 2:27

Ava va wombako ka mndonga va txi kha vona: Awe u tate wangu, se va txi kha vona ka dirigwi: Ani ni velekilwe ngu ngawe; nguko va ni tshuralete, kha va ni rendekeli; aniko, mbimo ya dikhombo, va na kha vona: Ema, u txi hi xanguta!