Jeremiya 42:19 - Bhiblia Yo Sawuleka

¹⁹ Mkoma a mi gete anu misalela ya ka Judha: Mi nga wuleleni Egipta; zivani ngu ditshuri ati ni nga mi elela nyamsi.

Jeremiya 42:19 Referans Kwoze

Dhewuteronome 17:16

Kambe mfumeliyo kha kulaveki ku eva ni mahantxhi o tala, hambi kukurumeta vathu ve tshumelela Egipta kasi kuya mana mahantxhi o tala; nguko Mkoma a ti khene: Kha mi na mbi tsimbila kambe ngu yona nzila yiya.

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Vaefesu 4:17

Ndiye mhaka yi ni mi gelako, na ni txi yi tsanisa ngu ditina da Mkoma: Mi nga tshumeleni kambe mi hanya nga vamatiko, avava va londetelako mipimiso yawe yo biha.

Mithumo 2:40

Pedro a to tsanisa wufakazi wakwe ngu mamwani mapswi amangi, a txi va laya, a txi khene: “Hambanani ni liveleko liya lo gombonyeka.”

Ezekhiyele 17:15

Aniko mfumeli wa Jerusalema a to eyisa wule wa Bhabhilona, ngu kurumela mitumi yakwe Egipta, kuya kombela ku tiselwa mahantxhi ni vathu votala; ina a na humelela hambi kuhuluka, awule a mhako eto kani? Niku mwendo a na funya txitumelelano e tutuma kani?

Ezekhiyele 3:21

Kambe ngako u txi txharihisa m'thu wo lulama, kasi ku awu wo lulama asi onhi, se ene asi onhi, ngu ditshuri a na hanya, nguko a txharihisilwe; se awe u txhatxhisile moya wako.

Ezekhiyele 2:5

Aniko vona, mwendo va na tiengisa, mwendo kha va na mbi tiengisa (nguko mba nyumba yo kaneta), va na tiziva taku hagari kwawe, ku ti ti ni mprofeti wokari.

Jeremiya 38:21

Aniko ngako u txi lamba kuhuma, Mkoma a ni kombisile mhaka yiya:

2 Makronika 24:19

A to rumela vaprofeti hagari kwawe, kasi ku e va wuyisa kambe ka Mkoma, kambe vona kha va lava ku mu engisa.

Dhewuteronome 31:21

Ngu mhaka yeto, ngako makhombo amangi ni sikarato, si txi va tela txitimwi kwawe, ndando yiya yi na maha fakazi, nguko kha yi na mbi divalwa sisofuni ka liveleko lawe; nguko ani na yi ziva mialakanyo yawe, ayile va ku nayo nyamsi.

Mitengo 14:3

Ni kambe ngu kutxani ene Mkoma a txi hi yisa ka ditikodo, hi na ya guma ngu kudawelwa ngu matxhari hi ya ningela vasikati vathu ni vanana vathu, ve mahwa tikhumbi kani? I si nga tshuko hi tshumela hi txi ya Egipta kani?”

Isaya 21:12

Se muwoneleli a to khene: Mixo yata, wusiku ni wona; se ngako mi txi lava ku wotisa, wotisani; tshumelani mi txita.