Jeremiya 42:16 - Bhiblia Yo Sawuleka

¹⁶ sekoko ku na maheka ti to ditxhari di mi di thavako, di txi mi manela, ditikoni ka Egipta, ni nzala yi anu mi yi thavako yi na va ni nanu kona Egipta, mi na fela koneyo.

Jeremiya 42:16 Referans Kwoze

Ezekhiyele 11:8

Mi thavile ditxhari, kambe ditxhari ni na di tisa txitimwi kwanu, kuwomba Mkoma Txizimu.

Jeremiya 44:27

Sekoko ni na va pfisa kupanda na i si nga wunene; se votshe vathu va ka Judha va ku ditikoni ka Egipta va na hetwa ngu ditxhari ni nzala, veza votshe va txi bhi.

Johani 11:48

Ngako hi txi mu lekisa toneto, votshe va na kholwa kwakwe, se varoma va na fuvisa Wukhalo wathu wo Sawuleka ni ditiko dathu.”

Zakariya 1:6

Hambi keto, mapswi angu ni sileleto sangu, asi ni nga rumela ngu vaprofeti, sithumi sangu, kha sa va hokela vatate vanu kani? Se vona va to tshumela va txi kha vona: Mkoma wa Mabutho a Tiyimbi a mahile ti a nga ti lava kwathu, madingano ni tinzila tathu, ni mithumo yathu, se ngutu ene a nga hi mahisa tona.

Jeremiya 42:13

Aniko ngako anu mi txi khanu: Kha hi na mbi zumba ka diya ditiko, mi si londisi dipswi da Mkoma, Txizimu txanu.

Mavingu 13:21

Wubihi wu na londisela vaonhi, aniko vo lulama va na wuyelwa ngu wunene.

Dhewuteronome 28:45

Otshe makhombo awa ma na wa txitimwi kwako, ma txi kulondetela, ma txi kukhubhunyeta, meza me kulovisa, kala u fuva, nguko awe khwa engisa dipswi da Mkoma, Txizimu txako, kambe khwa vekisa sirumo sakwe ni milayo yakwe, ayile a nga kuleleta yona.

Dhewuteronome 28:22

Mkoma a na kupeka ngu malwati a ndere ni txindeyandeyane, ni kusimba, ni kuhisa, ni lisani, ni kusina ka timbewu, ni kubhirela, asi si no kunamarela kala u txi fuva.

Dhewuteronome 28:15

Kambe ku na maheka taku, ngako u si engisi dipswi da Mkoma, Txizimu txako, u si khatali ngu kuvekisa sotshe sirumo sakwe ni sotshe sileleto sakwe, asi nyamsi ni kugelako, ni txi kuninga, makhombo otshe ma na wa txitimwi kwako, ma txi kupfinya.

Jeremiya 27:8

Ni dihi ditiko mwendo mfumo wuwa wu no lamba kukhoza ka Nebhukodhonosori, mfumeli wa Bhabhilona, va no lamba ku namisa tithamo tawe hahatshi ka dikange da mfumeli wa Bhabhilona, ni na peka ditiko edo ngu ditxhari, ni nzala, ni mtungu, kuwomba Mkoma, kala ni txi di bhi, ngu diwoko dakwe.

Jeremiya 41:18

ngu mhaka ya Vakaldheya, nguko va ti ti va thava, ngu ku va nga ti ni Ismayeli, mwana Netaniya, awu a nga ti date Gedhaliya, mwana Ahikamu, awule a nga ti vekilwe ditikoni ngu mfumeli wa Bhabhilona.