Jeremiya 41:8 - Bhiblia Yo Sawuleka

⁸ Aniko hagari kwawe ku to maneka digumi da vavamna va nga kha vona: Mi nga hi dayeni, hi ni tithomba hi nga sisa hahanze, fulaho ni sevhadha, mafura ni wulombe. Ngu kota ya toneto, a to va leka, kha va daya nga ti a nga maha ka maxaka awe.

Jeremiya 41:8 Referans Kwoze

Mavingu 13:8

Kuwuyelwa ka m'thu ni m'thu ngu tithomba takwe, aniko txisiwana kha txi pfi kudhukiselwa.

Jobe 2:4

Sekoko Sathani a to xamula ka Mkoma, a txi khene: Didhowo ngu didhowo, se sotshe sile wamwamna a ku naso, a na diha ngu wutomi wakwe.

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Matewu 6:25

“Ngu toneto, na mi gela ku khani: Mi nga karatekeni ngu sa kuhanya kwanu, asi mi fanelako kudya mwendo asi mi fanelako kusela, hambi ngu si mi fanelako kuambala ha mmidi kwanu. Kasi kuhanya kha ku pindi sakudya kani? Ni wona mmidi ina kha wu nga ni lisima ngutu kupinda sa kuambala kani?

Isaya 45:3

Se ni na kuninga tithomba tile ti nga siswa, ni tile ti nga fenengetwa, kasi ku u na tiziva tito, ani ngani Mkoma, Txizimu txa ka Israyeli, ni ku dhanako ngu ditina dako.

Jeremiya 41:9

Txisima txile a nga vinza ka txona avale a nga va daya, ngu mhaka ya Gedhaliya, ngu txoneto a nga maha mfumeli Asa, ngu mhaka ya Bhahasa, mfumeli wa Israyeli: Ismayeli mwana Netaniya, a to tata txona txisimetxo ngu vofa.