Jeremiya 41:5 - Bhiblia Yo Sawuleka

⁵ kutota vavamna va Sikemi, Silo, ni Samariya; mtxhanu wa magumi ni mararu a vavamna, na va ti yote siletu sawe, syambalo sawe si ti bhandeletwe ni kuwilelwa; manzani kwawe va ti ni siningo sa sakudya ni sa mphaxo, kasi kuya ningela Nyumbani ka Mkoma.

Jeremiya 41:5 Referans Kwoze

1 Vafumeli 16:24

Na a di Semeri a to xava mmango wa Samariya ngu titalenta timbidi ta silivhela, se e aka mmangoni, se a to raya didhoropa dile ku khene i Semeri, nyamne wa mmango wa Samariya.

2 Vafumeli 25:9

A to hisa Nyumba ya Mkoma ni nyumba ya mfumeli, kumweko ni totshe tinyumba ta Jerusalema; a to hisa ni totshe tinyumba ta vahombe.

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Dhewuteronome 14:1

“Anu mi vanana va Mkoma, Txizimu txanu; mi nga loweni mimidini kwanu, hambi kuyolwa titshi tanu, ngu mhaka ya kufa ka m'thu.”

1 Vafumeli 12:1

Se Robhowamu a to tsula Sikemi, nguko votshe va ka Israyeli va tile Sikemi, ku ta mmaha mfumeli.

Valamuli 9:1

Se Abhimeleki, mwana Jerubhahali, a to ya Sikemi ka tindiya ta mame wakwe, eya womba-womba navo, ni yotshe ngamu ya tate wa mame wakwe, a txi khene:

Genesisi 33:18

Jakobe, ngako a di humile ngu Pedhani-Arani, a to hoka ngu kudikha didhoropani ka Sikemi, ditikoni ka Kanana, e gova, e gwimba ditenda dakwe, hafuhi ni didhoropa.

Isaya 15:2

Vaaki va Bhajite ni Dhibhoni, va kwelela ka makhalo o guleka, kuya dila kona; Mowabhi wa peka huwa ngu mhaka ya Nebho ni Medhebha; yotshe misungo yi na maha tigwayi, ni sotshe siletu si na va si di yotwe.

1 Vafumeli 16:29

Se Akabe, mwana Oniri, a to khata kufumela Israyeli, amu ka magumi mararu a malembe, ni mtxhanu ni mararu, a kufuma ka Asa, mfumeli wa Judha; se Akabe, mwana Oniri, a to fumela Israyeli kona Samariya, magumi mambidi a malembe ni mambidi.

1 Vafumeli 12:25

Se Jerobhowamu a to aka Sikemi, ka mmango wa Efrayime, e zumba konaho, a to khukha nguho eya aka Penuweli.

1 Samuwele 1:7

Se a ti mahisa toneto dilembe ni dilembe; mbimo yi Ana a nga ti kwelela eya Nyumbani ka Mkoma, Penina a ti ko mtxhepeta; se a txi zumba ngu kudila, asi dyi txilo.

Jeremiya 7:14

Ngu konaho, ni na maha ka yiya nyumba yi dhanwako ngu ditina dangu, yona yi mi yi thembako, ni ka wukhalo wu ni nga wu ningela kwanu ni ka vatate vanu, ku nga ti ni nga maha ka Silo.

Jeremiya 7:12

Tsulani koko ka wukhalo wangu wu nga ti manekela Silo, aho di nga ti zumbile kona ditina dangu kukhatani, mi txi ya wona ti ni nga maha, ngu mhaka ya wubihi wa vathu vangu va ka Israyeli.

Masalmo 102:14

Sithumi sako sa ma randa marigwi akwe, si na ni wusiwana ngu marumbi akwe.

2 Samuwele 10:4

Sekoko Hanumi a to teka sithumi sa Dhavhidha e si kuyula maletu a didhawa dimwedo, e wila syambalo sa sona kukhukhela hahatshi kala txiwununi, se e si tovela.

Joxuwa 24:32

Marambu a Josefa, aale vanana va ka Israyeli va nga ta nawo ngu Egipta, va ma kelete Sikemi, ka txitikwana txiya, Jakobe a nga ti xavile ka vanana va Hamori, tate wa Sikemi, ngu male ya dizana ya tisilivhela, se txitikwana txiya txi maha thomba ya vanana va ka Josefa.

Genesisi 34:2

Sikemi mwana Hamori, muhevhi, mfumeli wa ditiko, mbimo yi a nga mu wona, a to mñola, a txi otela nayo ngu kummahisa.

Genesisi 37:12

Vanawe Josefa va to ya Sikemi, va txi ya dyisela kona mitxhambi ya tate wawe,

Valamuli 18:31

Ngu kumaha keto, txithombe txile txo vatwa txile txo mahwa ngu Mika, va to ti emisela, ka otshe masiku ale Nyumba ya Txizimu yi nga txi maneka kona Silo.

Masalmo 78:60

Txi lekile nyumba ya txona yo khozela ya Silo, i nga ti ditenda da txona do zumba ka dona hagari ka vathu.

Jeremiya 16:6

Vahombe ni vanana va na fa ngu wubihi wawe ditikoni muwa, va si tshotshwi; vathu kha va na mbi va dilela, hambi ku ti txhavela ni kuyola misungo.

Jeremiya 41:4

Ngu mangwanani ka kona, ku to maheka tito, msana ka kuva a ti date Gedhaliya, ti si zivwi ngu m'thu,

Jeremiya 47:5

Ku na vaho kuyolwa ka hombe ka Gaza, kuloviswa ka Askaloni ni misalela yakwe mkovani; u na ti kuvelela kala yihi mbimo kani?

Jeremiya 48:37

Nguko wotshe msungo wu na va ligwayi, otshe maletu ma di hungutwe; kotshe manzani ku na sehelelwa, ni masaka siwununi kwawe.

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

1 Makronika 19:4

Ngu kumaha keto, Hanumi a to teka sithumi sa Dhavhidha, e si kuyula misisi, a txi vharulela syambalo sa sona ngu hagari kala minengeni, e si tovela.