Jeremiya 41:10 - Bhiblia Yo Sawuleka

¹⁰ Se Ismayeli a to tsulisa wukhumbini votshe vathu vale va nga ti sate Misipa; i ku vanana va txisikati va mfumeli, ni votshe vathu vale va nga ti sate Misipa, evo Nebhuzaradhani, mthangeli wa vawoneleli, a nga ti va site ni Gedhaliya, mwana Ahikamu, Ismayeli, mwana Netaniya, a to va tsulisa wukhumbini; a to tsula navo ka vanana va Amoni.

Jeremiya 41:10 Referans Kwoze

Jeremiya 40:14

Se va to kha vona: “Ina wa tiziva kha kwati taku Bhahalisi, mfumeli wa vanana va Amoni, a rumile Ismayeli, mwana Netaniya, kasi ku ta ku daya kani?” Aniko Gedhaliya, mwana Ahikamu, kha va tumela.

Jeremiya 40:7

Tinduna ta yimbi ati ti ku mkovani kumweko ni vathu va tona, ti di pfite ti to mfumeli wa Bhabhilona a vekile Gedhaliya, mwana Ahikamu, ku va mfumeli mu ditikoni ni ti to a vekile manzani kwakwe vavamna ni vavasikati, ni vanana ni sisiwana amu ditikoni, ava va nga mba yiswa kuñolwani Bhabhilona,

Nehemiya 2:19

Se mbimo yile a nga tiengisa Sambalati, Muhoroni, ni Tobhiya, txithumi txa Muamoni, ni Gesemi, Muharabhi, va to hiseka, ve hi txhipisa, va txi kha vona: Nda txani tona ti mi mahako kani? Mo lava kuwukela mfumeli kani?

Nehemiya 2:10

Se mbimo yile Sambalati, Muhoroni, ni Tobhiya txithumi, Muamoni, va nga pfa ti to ku ni m'thu wokari, a telako ku ta vhuna vanana va ka Israyeli, va to karateka ngutu.

Jeremiya 39:6

Mfumeli wa Bhabhilona a to daya vanana va Zedhekiya masoni kwakwe kona niya Ribhila; ni votshe va hombe va ka Judha a to va daya mfumeli wa Bhabhilona.

Jeremiya 22:30

Mkoma a khene: “Dhanani ditina da m'thu wuwa ti taku kha nga ni vanana, kha na mbi mana kuhumelela kuhanyani kwakwe, nguko kha ku na mbi humelela ni mmweyo wa vanana vakwe, ti taku e ningwa kuzumba txikhaloni ka mfumo wa Dhavhidha, e fumela Judha.”

Jeremiya 38:23

Votshe vasikati vako ni vanana vako va na yiswa ka Vakaldheya, hambi awe khu na mbi huluka manzani kwawe, aniko u na ñolwa ngu dianza da mfumeli wa Bhabhilona; ni didhoropa di na hiswa ngu mhaka yako.