Jeremiya 40:9 - Bhiblia Yo Sawuleka

⁹ Gedhaliya, mwana Ahikamu, wa Xafani, a to xambanya ka vona ni ka vathu vawe, a txi khene: “Mi nga thaveni kuthumela Vakaldheya! Zumbani mu ditikoni, mi thumela mfumeli wa Bhabhilona, mi na zumbiseka kha kwati.

Jeremiya 40:9 Referans Kwoze

Jeremiya 27:11

Aniko ditiko di di no tumela ku sanzekwa dikange da mfumeli wa Bhabhilona, di txi mthumela, ni na di leka wukhaloni ka dona, kuwomba Mkoma, va na dima ni ku ti akela kona emo.

2 Vafumeli 25:24

Gedhaliya a to xambanya kwawe, ni ka vavamna vale, a txi khene: Mi nga thaveni kumaha tikhumbi ta Vakaldheya, zumbani ditikoni mi thumela mfumeli wa Bhabhilona, se ti na mi tsimbilela kha kwati.

Masalmo 128:2

U na dya mihando ya manza ako, u na kateka, se totshe tako ti na tsimbila kwati.

Masalmo 37:3

Themba Mkoma, u txi maha ta tinene; u na aka ha mafuni, u txi hanya ngu kuthembeka.

Genesisi 49:15

Se ene a pfa kutshamba ka kuhumula, ni ti to ditiko da tsakisa, se a to releta dikata dakwe kasi kupakata thundu a txi ti maha khumbi.

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Sidilo 5:9

Hagari ka phango ya wutomi wathu, hi na tisa sakudya, nguko txiwulani ku ni sigevenga.