Jeremiya 40:2 - Bhiblia Yo Sawuleka

² Nduna ya vawoneleli yi to dhana Jeremiya, yi txi kwakwe: “Mkoma, Txizimu txako, a wombile ngu diya dikhombo txitimwi ka wuwa wukhalo;

Jeremiya 40:2 Referans Kwoze

Levhi 26:14

Aniko ngako mi si ni engisi, mi si vekisi sotshe sirumo sangu,

Dhewuteronome 28:15

Kambe ku na maheka taku, ngako u si engisi dipswi da Mkoma, Txizimu txako, u si khatali ngu kuvekisa sotshe sirumo sakwe ni sotshe sileleto sakwe, asi nyamsi ni kugelako, ni txi kuninga, makhombo otshe ma na wa txitimwi kwako, ma txi kupfinya.

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Dhewuteronome 32:19

Mkoma a ti woni toneto, e henya, a txi xamukiswa ngu vanana vakwe vavafana ni vamahorana;

Jeremiya 50:7

Votshe va va nga txi ti mana va dayete; se valala vawe va txi kha vona: Ni mnandu wumwewo kha hi na mbi wu mana; nguko va onhete Mkoma, amu kuzumbako kona wululamo; ina, Mkoma, i kuthemba ya tate wawe.

Jeremiya 52:16

Aniko ka vale vasisiwana ngutu ditikoni, Nebhuzadhani, mthangeli wa vawoneleli, a to siya vokari, kuva va txi xayisa mindonga ni kudima.

Jeremiya 11:17

Nguko Mkoma wa Mabutho a Tiyimbi awu a nga kuphaya, a na rumela makhombo txitimwi kwako, ngu mhaka ya kubiha kuwa ku nga mahwa ngu nyumba ya ka Israyeli ni nyumba ya ka Judha, ve ni henyisa ngu kuhisela dibaselo Bhahali.