Jeremiya 40:15 - Bhiblia Yo Sawuleka

¹⁵ Hambi keto, Johanani, mwana Kareya, a to lengela Gedhaliya va ti Misipa, a txi khene: “Ni na tsula kona kuwa ni txi ya daya Ismayeli, mwana Netaniya, na ti si zivwi ngu m'thu: Ngu kutxani a lavako ku kudaya, vathu va ditiko da Judha va ku ni nawe va na hangalaka, vamwani ve sala ve lova?”

Jeremiya 40:15 Referans Kwoze

2 Samuwele 21:17

Kambe Abhixayi, mwana Zeruiya, a to mlamulela ngu kuthola Mufilista e m'daya; sekoko vathu va Dhavhidha va to mxambanyela, va txi kha vona: Khu na mbi ngadi kambe u tsula ni nathu yimbini, kasiku u si timi dilambu da ka Israyeli.

1 Samuwele 26:8

Sekoko Abhixayi a to khene ka Dhavhidha: Nyamsi Txizimu txi ku ningile mlala wako manzani kwako; konkuwa koko ni leke ni tekela ku mthola ngu mseve, ni mpata ni mafu, kha ni na mbi mthola kumbidi.

Johani 11:50

Kha mi ti woni ti to i mhaka yi yi vhunako anu, ngako m'thu mmweyo a txi fela ditiko, kupinda ti to ditiko dotshe di lova.”

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako:

Jobe 31:31

ni kungako vathu va ditendani kwangu va sa kha vona: A! I mani a nga mbi khura ngu nyama yakwe!

2 Samuwele 18:3

Kambe vathu va to kha vona: Khu na mbi huma, nguko hi txo kurumeteka kututuma, kha va na mbi wa ni mhaka ni nathu; hambi ku txo fa hafu kwathu, kha va na mbi va ni mhaka ni nathu, nguko u fana ni 10.000 kwathu; i txhuko ku u hi vhuna u di didhoropani.

1 Samuwele 24:4

Sekoko vathu va Dhavhidha va to m'gela ku kha vona: Adiya ngu dona ditshiku di Mkoma a ngadi womba, a txi khene: Wona taku ni na ningeta mlala wako manzani kwako, u na maha kwakwe kuranda kwako. Se Dhavhidha a to khukha ngu kunyanimela eya wila tshoka ya txyambalo txa Sawule.

Jeremiya 40:8

Sekoko va to ya ka Gedhaliya aniya Misipa. I ti ti Ismayeli, mwana Netaniya, ni Johanani ni Jonatani, vanana va Kareya, ni Seraya, mwana Tahumete, ni vanana va Efaya munetofa, ni Jezaniya, mwana Mahakate, kumweko ni vathu vawe.