Jeremiya 40:14 - Bhiblia Yo Sawuleka

¹⁴ Se va to kha vona: “Ina wa tiziva kha kwati taku Bhahalisi, mfumeli wa vanana va Amoni, a rumile Ismayeli, mwana Netaniya, kasi ku ta ku daya kani?” Aniko Gedhaliya, mwana Ahikamu, kha va tumela.

Jeremiya 40:14 Referans Kwoze

Jeremiya 41:10

Se Ismayeli a to tsulisa wukhumbini votshe vathu vale va nga ti sate Misipa; i ku vanana va txisikati va mfumeli, ni votshe vathu vale va nga ti sate Misipa, evo Nebhuzaradhani, mthangeli wa vawoneleli, a nga ti va site ni Gedhaliya, mwana Ahikamu, Ismayeli, mwana Netaniya, a to va tsulisa wukhumbini; a to tsula navo ka vanana va Amoni.

Jeremiya 25:21

ni Edhomi, ni Mowabhi, ni vanana va Amoni;

Mika 7:5

Mi nga kholweni ka mngana, hambi kuthemba mthangeli wanu; tsivela wule a otelako hakhana kwako, bundamisa txisofu txako.

Jeremiya 41:2

Se a to khukha Ismayeli mwana Netaniya, kumweko ni vavamna vale va digumi va nga ti ti nayo, va to ya dayisa Gedhaliya, mwana Ahikamu, mwana Xafani, ngu ditxhari; va txi m'dayiseto, awule a nga ti vekilwe txitimwi ka ditiko ngu mfumeli wa Bhabhilona.

Jeremiya 40:8

Sekoko va to ya ka Gedhaliya aniya Misipa. I ti ti Ismayeli, mwana Netaniya, ni Johanani ni Jonatani, vanana va Kareya, ni Seraya, mwana Tahumete, ni vanana va Efaya munetofa, ni Jezaniya, mwana Mahakate, kumweko ni vathu vawe.

Isaya 26:10

Hambi ku txi divalelwa m'bihi, kha ti mmahi e gonda wululamo, hambi ditikoni ka wululamo, ene a maha kubiha, kambe kha nga ni mhaka ni wuhombe wa Mkoma.

Jeremiya 40:13

Johanani, mwana Kareya, ni votshe vathangeli va mabutho, va nga ti ti ditikoni, va tile ka Gedhaliya kona Misipa.

Jeremiya 41:1

Ku to maheka ti to ngu mtxima wa wutxhanu ni yimbidi, a txi ta Ismayeli mwana Netaniya, mwana Elixama, wa mnoha wa vafumeli, ni vathangeli va tinyimbi ta mfumeli, i ku digumi da vavamna kupata ni ene, ni Gedhaliya mwana Ahikamu, kona Misipa; se va to dya votshe dipawu kona Misipa.