Jeremiya 40:11 - Bhiblia Yo Sawuleka

¹¹ Ngu nzila yo nga yoneyo, mbimo yi votshe Vajudha vale va nga ti Mowabhi, hagari ka vanana va Amoni, ni Edhomi, ni votshe vale va nga ti ti ka otshe matiko ale, va nga pfa to kha vona mfumeli wa Bhabhilona a ti ti lekile vamwani kona Judha, niku a ti ti va vekete Gedhaliya, mwana Ahikamu, mwana Xafani.

Jeremiya 40:11 Referans Kwoze

Isaya 16:4

Va na luvele kwako awe Mowabhi, vale va nga tovelwa, uva wuthavelo wawe masoni ka mxaseli; nguko m'thu wo xanisa a na va ni magwito; kukhundumuswa ka hangalaswa, se vaxanisi va mwalatwa ha mafuni.

Ezekhiyele 35:15

Ngako u nga tsakiswa ngu thomba ya nyumba ya ka Israyeli, ngu ku a nga mahwa dirumbi, ngu tona eto ni no kumaha; u na mahwa dirumbi, awe mmango wa Seyiri, ni dotshe ditiko da Edhomi, ina dotshe; se va na tiziva taku, ani ngani Mkoma.

Ezekhiyele 35:5

Nguko wulala wako kha wu gwiti, se u lekile vanana va ka Israyeli ve wukelwa ngu ditxhari, ka mbimo ya wubihi wawe wa hombe.

Ezekhiyele 25:12

Mkoma Txizimu a khene: Ngako koko va ka Edhomi va nga ti photela ka nyumba ya ka Judha, va txi ti manisa mnandu ngutu, mbimo yile va nga ti photela kwakwe,

Ezekhiyele 25:8

Mkoma Txizimu a khene: Ngako Mowabhi ni Seyiri va ku kha vona: Wonani taku nyumba ya ka Judha yi fana ni otshe matiko;

Ezekhiyele 25:6

Nguko a womba tiya Mkoma Txizimu: U ti woni ti u nga pekisa tona manza, ni kuginga ngu mikondo, ni ti to u tsakile ngu mbilu, ka wotshe wubihi wako, u txi lwisa ditiko da ka Israyeli,

Ezekhiyele 25:2

Awe mwanana wa m'thu, thuvikela vanana va ka Amoni, u txi profeta u va wukela.

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Ezekhiyele 5:3

Se u na teka mtengo wa wudotho wa misisi, u sungelela ka titshulu ta txyambalo txako.

Jeremiya 24:9

Ni na va ningela kasi ku veva txidhukiso, ni dikhombo ka matiko otshe a mafu, va na va txisekiso, ni divingu, ni txipoyilo, ni txiruko, kotshe amu ni no va hangalasela kona.

1 Samuwele 12:12

Se mbimo yile mi nga wona ti to Nahasi, mfumeli wa vanana va ka Amoni, wata ku ta mi wukela, mi ti khanu kwangu: Ahim-him, aniko mfumeli a na fuma txitimwi kwathu; i ku ene koko, Mkoma, Txizimu txanu, Mfumeli wanu.

1 Samuwele 11:1

Sekoko Nahasi Muamoni a to kwelela, eya randela didhoropa da Jabhesi-Giliyadhi, se vathu votshe va Jabhesi va to gela Nahasi, va txi kha vona: “Maha txitumelelano ni nathu, aniko athu hi na kuthumela.”

Mitengo 25:1

Se mbimo yile Israyeli a nga zumba Sitime, vathu va to khata kumaha wugango ni vanana vamahorana a Vamowabhi.

Mitengo 22:1

Msana keto, vanana va ka Israyeli va to khukha veya gova ka mikova ya Mowabhi, ngu mtxhatuko ka Jordhani, masoni ka Jeriko.

Genesisi 36:8

Ngu mhaka yeto Esawu i ku Edhomi, a to aka mmangoni ka Seyiri.

Mitengo 25:2

Vona va to ramba vathu kuya phaxela sizimu sawe; vathu va to dya, ve khizamela sizimu sawe.

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.

Jeremiya 9:26

Ka Egipta, ni Judha, ni Edhomi, ni vanana va ka Amoni, ni Mowabhi, ni votshe vale va wilako makhona a misisi yawe, va zumbako txiwulani, nguko otshe matiko makhuna, ni yotshe nyumba ya ka Israyeli dikhutu mbiluni ka yona.

Jeremiya 41:10

Se Ismayeli a to tsulisa wukhumbini votshe vathu vale va nga ti sate Misipa; i ku vanana va txisikati va mfumeli, ni votshe vathu vale va nga ti sate Misipa, evo Nebhuzaradhani, mthangeli wa vawoneleli, a nga ti va site ni Gedhaliya, mwana Ahikamu, Ismayeli, mwana Netaniya, a to va tsulisa wukhumbini; a to tsula navo ka vanana va Amoni.

Jeremiya 43:5

Se Johanani, mwana Kareya, ni tinduna totshe ta yimbi, va to teka misalela ya ka Judha, avale va nga ti wuyile ngu ka matiko ya va nga ti hangalisetwe kuya luvela ka ona a ka Judha.

Ezekhiyele 34:6

Tinvuta tangu ti pengete ka yotshe mimango ni ka simangwana; ina, tinvuta tangu ti hangalakile, kotshe ha mafuni, ku si maneki wa ku ti wuyisa hambi kutsimbila e ti lava.

Jeremiya 43:6

I ku vavamna, ni vavasikati, sizambiana ni vanana va mfumeli vamahorana, ni sotshe so hanya asile si nga siwa ngu Nebhuzaradhani, mthangeli wa yimbi, ni Gedhaliya, mwana Ahikamu, mwana Xafani, kumweko ni Jeremiya, mprofeti, ni Bharuke mwana Neriya.