Jeremiya 40:10 - Bhiblia Yo Sawuleka

¹⁰ Ani, bo, ni ya aka Misipa, kuva ni txi na ema masoni ka Vakaldheya ava va nota kwathu. Aniko anu sengeletelani vhinya ni mihando ya mbimo ya lisani ni mafura, mi veka mu ka siya sanu, mi aka ka didhoropa di mi ngadi honyola.”

Jeremiya 40:10 Referans Kwoze

Jeremiya 40:12

Votshe Vajudha, va to tshumelela ka makhalo ale va nga ti thavisilwe ka ona ve ta maneka Judha, ka Gedhaliya kona Misipa, va to sengeletela vhinya ni mihando yayingi ngutu ya malanga.

Jeremiya 48:32

Ni na ku dilelisa ku nga ti ta Jazeri, awe mndonga wa Sibhima; madhavi ako ma pindile linene, ma hokile ka Linene la Jazeri; aniko muhasamuli a wite txitimwi ka mihando ya mbimo ya malanga, ni thembweni kwako.

Jeremiya 39:10

Aniko sisiwana ni vathu va hahatshi, Nebhuzaradhani mthangeli wa vawoneleli a to va leka amu ditikoni ka Judha, e va ninga ka donedo ditshiku mivhina ni tithembwe.

Jeremiya 35:19

Mkoma wa Mabutho a Tiyimbi, Txizimu txa ka Israyeli, a womba tiya: Kha ku na mbi pwateka wamwamna ka Jonadhabhe, mwana Rekabhi, awu a no ema masoni kwangu ka otshe masiku.

Isaya 16:9

Ngu toneto, ni na dila ngu madilelo a Jazeri, i ku m'vhinya wa Sibhima; ni na ku nakanisa ngu mirongo yangu, awe Hesibhoni, ni Eleyale, nguko litsako la hombe la mihando yako ya malanga, ni la kuelula kwako, li mwalate.

2 Samuwele 16:1

Se mibmo yi Dhavhidha a nga pindanyana tshoka ya mimango, a to tshangana ni Zibha, mfana wa Mefibhosete a di ni timbongola timbidi ti dirwate 200 wa mapawu, ni 100 wa sizangwa sa mauvha, ni 100 wa sizangwa sa mihando ya mbimo ya kuhisa, ni digarafawu da vhinya.

Dhewuteronome 1:38

Joxuwa m'vhuneteli wako, mwana Nune, ngene a no ya wulela ka dona. Mtsanise a na maha ti to Israyeli e di teka, di txi maha thomba yawe.

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

Mika 7:1

Dikhombo kwangu! Nguko no nga tile ta kuhaphwa ka mihando ya malanga, ku nga va vo roletela msana ka kuhaphwa ka mauvha: Kha ku na txizangwa txa mauvha o dingana kudyiwa, hambi makuwu o navelwa ngu mbilu yangu.

Jeremiya 40:6

Jeremiya a to ta ka Gedhaliya, mwana Ahikamu, aniya Misipa, e zumba nayo hagari ka vathu avale va nga sala mu ditikoni.

Mavingu 22:29

U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

Dhewuteronome 16:13

“U na maha M'buso wa Matenda amu ka mtxhanu wa masiku ni mambidi, msana ka kuva u di sengeletile mihando ya ha didhandoni kwako ni ya mu mkawuni kwako,

1 Vafumeli 10:8

Va katekile vavamna va u ku navo, va katekile vathumi vako avale yotshe mbimo va ku masoni kwako, va pfisisako wutxhari wako!

Mavingu 27:25

Mwasi wa thaviswa, kumila wa wuphya; se ka patelwa mwasi wa mimangoni.

Jeremiya 43:5

Se Johanani, mwana Kareya, ni tinduna totshe ta yimbi, va to teka misalela ya ka Judha, avale va nga ti wuyile ngu ka matiko ya va nga ti hangalisetwe kuya luvela ka ona a ka Judha.