Jeremiya 40:1 - Bhiblia Yo Sawuleka

¹ Dipswi di di nga ta ka Jeremiya ngu ka Mkoma msana ka kuva Nabhuzaradhani, mthangeli wa vawoneleli, a ti mu txhatxhisile Rama, eho a nga mmana kona a ti sungilwe ngu titxhini, na a ti hagari ka va va nga ñolwa votshe va niya Jerusalema ni Judha, ava va nga yiswa wukhumbini ka Bhabhilona.

Jeremiya 40:1 Referans Kwoze

Vaefesu 6:20

ayi ni ku muemeli wa yona kona kusungwani muwa; kasi ku ni sikota kuwombawomba ngu kutxhatxheka, nga ha ti fanelako kuva ni txhumayela.

Mithumo 21:13

Konaho ene a to angula, a txi khene: “Mi dilela txani, mi ni tholako mbilu, kani? Ni ti emisete, i si nga kuya sungwa dwe, aniko hambi kuya fa Jerusalema ngu mhaka ya ditina da Mkoma Jesu.”

Jeremiya 31:15

Mkoma a khene: Huwa ya pfala aniya Rama, ya xomulo ni kudila ka txiviti, i Rakeli a dilelako vanana vakwe wa lamba kuthavelelwa nguko vanana kha va nga ngadi ho.

Joxuwa 18:25

Gibheyoni, Rama, ni Bheherote,

Mithumo 28:20

Ngu konaho ni nga mi dhana kasi ku ta mi wona, ni kuwombawomba ni nanu, nguko ni sungilwe ngu titxhini tiya ngu mhaka ya kuthemba ka Israyeli.”

Masalmo 107:16

Ene a bhandisete matimba a tisimbi e komolela minaneko ya sikete.

Masalmo 68:6

Txizimu txa komba ka txikulungu wukhalo wa kuhanya ka wona txa txhatxhisa avale i ku vo sungwa; aniko vakanganyisi va na hanyela ditikoni ko oma.

1 Samuwele 7:17

Aniko a ti ti tshumelela Rama, nguko nyumba yakwe yi ti ti koneyo, a ti ti lamula kona va ka Israyeli, se a to aka koneyo txiluvelo txa Mkoma.

Jeremiya 39:9

Vathu vale va nga sala didhoropani, ni vale va nga sala ditikoni, kumweko ni vapfodoli vale va nga ti ningela, va to yiswa Bhabhilona ngu Nebhuzaradhani, mthangeli wa vawoneleli.

Ezekhiyele 33:21

Se ku to maheka taku, ngu dilembe da wugumi ni mambidi, ka mtxima wa wugumi, ka ditshiku da mtxhanu da wukhumbi wathu, kutile wokari kwangu, a nga ti ti hulukile Jerusalema, a txi ta khene: Didhoropa di dayisilwe.

2 Makronika 16:1

Ngu dilembe da magumi mararu ni mtxhanu ni dimwendo da kufuma ka Asa, Bhahasa mfumeli wa Israyeli; a to wukela Judha ngu kuaka Rama, kasi ku ni wammweyo asi tumeliswi kuhuma, hambi kuwulela hafuhi ni Asa mfumeli wa Judha.

Jeremiya 42:7

Se ku to maheka tito, msana ka digumi da masiku, di tile dipswi da Mkoma ka Jeremiya.