Jeremiya 4:31 - Bhiblia Yo Sawuleka

³¹ Nguko napfa dipswi do fana ni da wamsikati a lumwako, na di txi dikwila nga wamsikati wo tiwula. Dipswi da m'horana wa Siyoni, a hefemutekako ni kunawuluta manza akwe, a txi khene: “Yowe, dikhombo dangu koko! Moya wangu wa tsivala masoni ka sidayi.”

Jeremiya 4:31 Referans Kwoze

Sidilo 1:17

A guletile mawoko akwe Siyoni a txi khongela: Aniko kha ku nga ni wo mthavelela; Mkoma a rumile tito, ava va nga gwatama ni Israyeli ve va valala vakwe; Jerusalema a fana ni nzambwa yo nyenyeza.

Isaya 1:15

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

Jeremiya 13:21

U na txani ngako a txi veka vakakwanu ku kufumela kani? Ngawe u nga va gondisa kuva vanyamne vako. Ina kha ti na mbi panda kwako nga wamsikati a lumwako kani?

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

1 Vakorinto 9:16

Kutxhumayela Evhangeli, kwangu, hi nga mhaka ya ku ti bhumisa phungo ngu yona, i fanelo yi ni nga rwekwa. Dikhombo dangu, ngako ni si txhumayeli Evhangeli!

Matewu 21:5

“Gelani dihorana da Siyoni, mi txi khanu: Ndiyo wata Mkoma wako wa kuthutha, a di gadhile mbongola, yi ku ni tximbongolana, txi i ku mwanana wa yona.”

Mika 7:1

Dikhombo kwangu! Nguko no nga tile ta kuhaphwa ka mihando ya malanga, ku nga va vo roletela msana ka kuhaphwa ka mauvha: Kha ku na txizangwa txa mauvha o dingana kudyiwa, hambi makuwu o navelwa ngu mbilu yangu.

Hoseya 13:13

Kupanda ko veleka ka wamsikati ku nata; ene mwanana wa kwa mbi engisa, nguko i mbimo, kambe kha nga ka wukhalo wu dingana kuvelekwa.

Sidilo 2:21

Mazambi ni vathu vahombe va mwalate, ha lithuluni ka magondo. Majaha ni votuma vangu, va datwe ngu matxhari. Ditshiku dile u nga ti henyile, u txi dayela u si divaleli.

Sidilo 1:20

Wona Mkoma, ati ni xanisekisako tona; moya wangu wu ha kukaratekani ngutu. Ni ha kupandisekani ka hombe ngutu, nguko ni ti lambisile ngutu. Hahanze kheya, ni dawetwe vanana ngu ditxhari; mndani kwangu ku ni lifo.

Jeremiya 50:43

Mfumeli wa Bhabhilona a pfite nduma yawe, se ma so hololo manza akwe, e ñolwa ngu xomulo, kupanda, nga ka wamsikati a hefemulako.

Jeremiya 49:24

Dhamasku a hetile mtamo; a tshurate, a lava kututuma, a ñotwe ngu kuthava: Xomulo ni kupandiseka si va ñote, kufana ni ka wolava kuhefemula.

Jeremiya 49:22

Hi nga wonani ti to wata, a txi puruma ku nga digama, a na nawuluta tibhapi takwe txitimwi ka Bhozira; ni mbilu ya tindena ta Edhomi, ka dona ditshiku dile, yi na nga mbilu ya wamsikati wu a lumwako!

Jeremiya 48:41

Ma tekwa madhoropa, ni kurandelwa mikhokhola: Yi na va mbilu ya tindena ta Mowabhi, ka dona ditshikwedo, ku nga mbilu ya wamsikati wu a diliswako ngu kupanda.

Jeremiya 45:2

Mkoma, Txizimu txa ka Israyeli, ngu mhaka yako, awe Bharuke, a khene:

Jeremiya 30:6

Wotisani koko, ina wamwamna a nga sikota kuveleka kani? Ngu kutxani ni wonako vavamna mmweyo ni mmweyo a ti ñolako txiwunu nga wamsikati a lumwako kani? Nguko txani tikhohe totshe ti nga thuvika kani?

Jeremiya 22:23

Awe wu u nga aka Libhanoni, u ku ni txisaka txako madhavini ka mikedhari. Ngu xaniseka ka kutxani u no va nako ngako u txi na humelwa ngu makhombo, ngu pandisa ni tihuwa ku nga wamsikati a lumwako.

Jeremiya 18:21

Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Jeremiya 15:18

Kupandiseka kwangu kusimamisa ngu kutxani kani? Ni txilonda txangu kha txi thumwi, txi lamba kuhola kani? Ina kwangu u na va txisima txo xengisa kani, mwendo mati awa ma phwako kani?

Jeremiya 14:18

Nguko ni txi ya wona thembweni vaho va va nga dayiswa ngu ditxhari. Ni ku ngako ni txi wulela m'tini ni wona va va fako ngu nzala: Ina ngu wumbidi wawe mprofeti ni mphaxeli va zungulukela na va si kuzivi aha vayako kona.

Jeremiya 10:19

Dikhombo kwangu! Ni funyekile! Txilonda txangu txa panda. Aniko ni khani: Kha ditshuri ngu dona dikhombo dangu, ni fanete ku di rwala.

Jeremiya 6:2

Ni na lovisa m'horana wa Siyoni, awu i ku wo tshura ngutu na i ti wa wugomba.

Isaya 42:14

Nguko ni malate mbimo yo lapha, ni di malate, ni ti ñola; se konkuwa ni na peka tihuwa, kufana ni wu a ku ha ko veleka, kambe votshe ni na va xasela, ni va mita.

Isaya 21:3

Ngu toneto, txiwunu txangu txi taletwe ngu kupanda ka hombe; kupandiseka ku ni ñote ku nga kupandiseka ka wule a lumwako; na xaniseka ngutu, aha ko kha ni sikoti ni kuengisa, ni dhukile ngutu, kha ni sikoti ni kuwona.

Isaya 13:8

Se va na dhukiswa ve thava, va txi guma mtamo, ve xanisekisa ku nga wamsikati a di hafuhi ni kuveleka; va na wonana, ve xamala, ve dhunuka, ngu kuthava.

Isaya 6:5

Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.

Masalmo 120:5

Dikhombo dangu ani ni hanyako Meseki, ani ni zumbako ka matenda a Mkedhari!

Jobe 10:1

Dihika dangu da swihala ngu wutomi wangu; ni na laphisa mbimo ni txi ti tsetsa, ni na womba-womba kupandisekani ka muhefemulo wangu.

Genesisi 27:46

Rebheka a to womba ka Isaake, a txi khene: “Na dyiswa mihumbo kuhanyani kwangu, ngu mhaka ya vavasikati va Vaheti. Ngako Jakobe a txi teka msikati wa Muheti, ka dona ditiko diya, wo fana ni vona vava, ni nga va ni txi hanyela txani kani?”

Isaya 26:17

Nga wamsikati wa txirumbu, ngako yi di hokile mbimo yakwe, a ni kupanda ko lava kuveleka, kambe wa peka huwa kupandisekani kwakwe, hi mahile toneto nathu, ngu kulava khohe yako, awe Mkoma!

Mika 4:9

Se ngu kutxani u dilako ngutu kani? Ina kha nga ho mfumeli kwako kani? Ina di to fa didhota dako kani? Mwendo u to manwa ngu kupanda ko nga ka wamsikati wu a lumwako kani?

Mika 4:10

Pfana kupanda ni kuthuma, awe mwanana wa dihorana wa Siyoni, ku nga wule a ku kuvelekani, nguko konkuwa u na huma ngu didhoropani, se u ya zumba thembweni, kambe u na tsimbila kala Bhabhilona, koneyo koko u na ya txhatxhiswa; Mkoma a na kutirula manzani ka valala vako.