Jeremiya 4:3 - Bhiblia Yo Sawuleka

³ Nguko Mkoma a to khene ka vavamna va ka Judha ni ka Jerusalema: Dimani mapulo anu, mi nga phayeni hagari ka mipa.

Jeremiya 4:3 Referans Kwoze

Hoseya 10:12

Tiphayeleni wululamo, mi funyela madingano ni wumbilu, dimani thembwe ya wudimo, nguko i mbimo yo lava Mkoma, kala kuza e ta, kunane kululama txitimwi kwanu.

Luka 8:14

Ati ti nga wela mipani, ngu va va nga engisa dipswi, aniko, va di ngadi ve tsula masoni, va to di leka di kamaretwa ngu kuvilela ni kudhunda tithomba, ni kutitsakela ka wutomi wuwa, se va si ngadi ve veka mihando ya kuvitwa.

Luka 8:7

Timwani ti wela ha mipani, se mipa yi kula kumweko nato, yi ti kura, ti fa.

Matewu 13:7

Yimwani mbewu yi to wela hagari ka mipa, se mipa yi txi kula kumweko nayo, yi so yi kura.

Marku 4:7

Timwani timbewu ti to wela mipani. Yona mipa, ngako yi txi kula, yi to ti kura, se ti tandeka kuveleka.

Matewu 13:22

Awule a nga amukela mbewu hagari ka mipa, ngu wule a engisako dipswi, aniko sithikamezo sa ditiko ni kuxengwa ngu tithomba, sa kama dipswi kasi di si veleki mihando.

Genesisi 3:18

Mafu ma na ku milisela mipa ni maxexo, kambe u na dya mwasi wa txitinga.

Eksodha 23:11

aniko ka dilembe da wutxhanu ni mambidi, u na leka mafu ma txi humulela u si dimi, ni silo sa kona u na si leka si txi va sa sisiwana sa vathu vako, se asi si salako si na dyiwa ngu sihari. U mahisa eto ngu thembwe ya mivhinya ni ya miolivha.