Jeremiya 4:28 - Bhiblia Yo Sawuleka

²⁸ Ngu mhaka yeto, mafu manava ni huwa; ni tinzuma ta txitimwi ti na phuma; nguko ani ni wombile, ni hingana ni di xuvileto. Na mbi hunduluka hambi kutshumelela msana.”

Jeremiya 4:28 Referans Kwoze

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

Hoseya 4:3

Ngu kumaha keto, ditiko di na dila, ni wuhi wule a zumbako ka dona a na guma mtamo, ni sihari sa txitinga ni sinyana sa nzumani; hambi sihaka sa linene si na loviswa.

Jeremiya 12:4

Ina ditiko di na keta kala yihi mbimo kani? Mwasi wu txi oma txitingani, ngukonaho ka wubihi wa va va zumbako emo kani? Sihari ni sinyana sa lova, nguko va kha vona: Kha na mbi wona kugwitelwa kwathu.

Isaya 50:3

Ani na ambeka nzuma ngu txidema, ni yi fenengeta ngu nguwo ya disaka do dhimba.

Isaya 5:30

Ka ditshiku donedo, va na bhonga txitimwi kwawe kufana ni mavimbi a linene; se awule a no wona mafu, a na wona txidema ni kuxaniseka, kuwonekela ku na vhalelwa ngu txidema.

Mtuletelo 6:12

Ni txi woni Txinvutana, mbimo yi txi nga kwamula txixambanyo txa wutxhanu ni tximwetxo: Ku to humelela kuzinginika ka hombe ka mafu: Ditambo di to maha da mtima, nga nguwo ya mkhwasi, se mtxima wotshe wu hinduka wu bhilivila nga mnoha.

Vahebheru 7:21

Aniko, Jesu a mahilwe Mphaxeli ngu kuxambanya ka wule a nga khene: “Mkoma a xambanyile, kambe kha na mbi txitxa makungo akwe: Awe u Mphaxeli kala kupinduka.”

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

Vaefesu 1:9

txi hi ninga kuziva makungo a kusisaleka a kuranda ka txona, kota nga ti ti nga txi tsakisa ku ti maha, ngu kale ni kale ngu ka Kristu,

Luka 23:44

Ngu txikhati txo lava kudingana ni txa wutxhanu ni tximwetxo, txidema txi to khubhunyeta dotshe ditiko kala txikhati txa wutxhanu ni mune,

Marku 15:33

Se ku di hokile txikhati txa wutxhanu ni tximwetxo, ku to phuma txidema ka dotshe ditiko kala ka txikhati txa wutxhanu ni mune.

Matewu 27:45

Se kukhukhela ka txikhati txa wutxhanu ni tximwetxo kala ka txa wutxhanu ni mune, txidema txi to fenengeta dotshe ditiko.

Joyeli 1:10

Thembwe yi fuvisilwe, se mafu ma ha kupandisekani; nguko fulaho yi fuvisilwe, vhinya ya yiphya yi omile, ni mafura ma pwateka.

Hoseya 13:14

Ani ni na va tirula amu ko xaniswa ngu mndilo, ni va tekisa ka lifo. Awe lifo, yi hayi mitungu yako kani? Awe mndilo ku hayi kutimela kwako kani? Kutilaya ku na sisala amu ka maso angu.

Ezekhiyele 24:14

Ani Mkoma ni ti khani: Ti na maheka, ni na ti maha; kha ni na mbi tshumelela msana, kambe kha ni na mbi pimela, hambi kutilaya; madingano ni tinzila tako, ni madingano ni mithumo yako, va na kulamula, kuwomba Mkoma Txizimu.

Jeremiya 30:24

Kuhenya ko thisa ka Mkoma kha ku na mbi boxa, na asi se dinganisa mixuvo ya mbilu yakwe; mi na ti zivisisa kha kwati, ka masiku ma ku ngadi ma txita.

Jeremiya 23:20

Kuhenya ka Mkoma kha ku na mbi boxa na asi se maha ati ti xuvwako ngu mbilu yakwe; mi na ti zivisisa kha kwati ka masiku matako.

Jeremiya 23:10

Nguko ditiko di tate ngu va wugango Ditiko da dila ngu mhaka ya txiruko; wudyiselo wa txiwulani wu hyite; matsimbilelo awe ma bihile, a ti to biha, ngu tona i ku mtamo wawe.

Jeremiya 14:2

Judha wa dila, miti yakwe yi gumile mtamo, va khalahatsha na va di ambate mizila; Huwa ya pfala ngu Jerusalema.

Jeremiya 12:11

Va di onhile, da dila kwangu nguko di mahisilwe dirumbi; ditiko dotshe di mahile dirumbi! Nguko kha ku na m'thu a di khatalelako.

Jeremiya 7:16

Ngu konaho, u nga va kombelele vava vathu, u nga dhuke u guleta dipswi ngu vona ngu mikombelo, u nga ni kombele txilo, nguko na mba kuengisa.

Isaya 34:4

Se otshe mabutho a nzumani ma na guma, kambe nzuma yi na petwa nga dibhuku, ni dotshe dibutho da sa nzumani di na wa, kufana ni kuwa ka mazokoro a m'vhinya, ni ku nga kuwa ka dikuwu da mkuwu.

Isaya 24:4

Mafu ma dila, kambe ma wuna; ditiko da guma mtamo, kambe da wuna; vahombe va vathu va ha mafuni va guma mtamo.

1 Samuwele 15:29

Kambe awule i ku Mtamo wa va ka Israyeli kha hembi mwendo kutilaya; nguko hi nga m'thu waku a na tilaya.

Jeremiya 51:12

Gwimbani m'jeke txitimwi ka diguma da Bhabhilona, tsanisani wuwoneleli, vekani vaemeli, ti longiseleni wotshe wurena; nguko Mkoma a xuvile kambe a mahile tile a nga nga ti womba xungetano ngu vaaki va Bhabhilona.

Sidilo 2:17

Mkoma Txizimu a hetisile makungo akwe, a mahile ngu ha a nga womba ngu kona; a kha hindula makungo akwe a kale. A hasute, asi divaleli, a tsakisile valala ngu kuwa kwako a txi va engetela mtamo.

Zakariya 8:14

Nguko a womba tiya Mkoma wa Mabutho a Tiyimbi: Ku nga kule ni nga pimisa ku mi mahela kubiha, mbimo yile vatate vanu va nga ni wusela kuhenya, kha na nga ti laya, kuwomba Mkoma wa Mabutho a Tiyimbi,