Jeremiya 4:24 - Bhiblia Yo Sawuleka

²⁴ Ni to wona mimango, ti woneka to yi txo dhudhumela; ni simangwana sotshe si txi dekandeka.

Jeremiya 4:24 Referans Kwoze

Ezekhiyele 38:20

ngu kumaha keto, si na thava masoni kwangu, sihaka sa lineneni, ni sinyana sa nzumani, ni sihari sa txitinga, ni sotshe sile si kasako txitimwi ka mafu, ni votshe vathu va ku txitimwi ka mafu; se mimango yi na wa, ni mikova yi na fuva, ni otshe maguma ma na wa hahatshi.

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

Mika 1:4

Se mimango yi na nyivilika hahatshi ka mikondo yakwe, ni mikova yi na tuleka, ku nga phula mndiloni, kufana ni mati o khiringela kuhokomani.

Masalmo 97:4

Kukeluka ka singwalangwanda sakwe kuwoninga ditiko; mafu ma si wona, me tsekatseka!

Masalmo 18:7

Sekoko mafu ma to zinginika, ma txi dekadeka, makhato a mimango ma to dhudhumela: Ma dhudhumete ngu kuhenya ka Txizimu.

1 Vafumeli 19:11

Se Mkoma a to khene ka Elija: Huma hahanze u txi ya maneka mmangoni masoni ka Mkoma. Se Mkoma a txi pinda, kumweko ni moya wa hombe wa mtamo, wu nga txi bhandelela mmango, ni kukhundumusa marigwi masoni ka Mkoma; aniko Mkoma a ti si ngaho ka moya wule; wu di pindile moya wule ku to zinginika mafu; emo kambe asi ngaho Mkoma.

Habhakuki 3:10

Mimango yi kuwonile yi dhudhumela; ni kutalelwa ngu mati kupindile; dipswi dakwe a di ningete ka kuhokoma, manza akwe a ma guletile txitimwi.

Habhakuki 3:6

Txi to ema txi pima mafu; txi to wona txi hambanisa mifumo, se mimango yo pindukela yi to bhandekela, simangwana sa kwa mba na magwito si to khizama; kutsimbila ka kwa mba gwita nga Txizimu.

Jeremiya 8:16

Diguwa da mahantxhi akwe di pfala Dhani; mafu otshe ma zinginika ngu kuemba ka ona ka mtamo; nguko va tile ve ta hetisa ditiko ni sotshe si ku ka dona, didhoropa ni votshe va va zumbako ka dona.

Masalmo 77:18

Kudhuma ka singwalangwanda sako ku to pfala txitimwi kukeluka ka nzuma ku to woningeta ditiko dotshe; mafu ma to dekadeka ma txi dhudhumela.

Mtuletelo 6:14

Nzuma yi to thaviswa nga dibhuku da didhowo, ngako di di petilwe, se yotshe mimango ni sitondolo si rurisilwe ka wukhalo wa sona.

Eksodha 19:18

Mmango wotshe wa Sinayi wu to tuvika, nguko Mkoma a ti relete e maneka txitimwi ka wona, ngu hagari ka mdhikila wa mndilo. Wutshi wu wu nga ti tuvika wu txi guleka, i ti ku nga wa dibivi se mmango wotshe wu to dekadeka ngu mtamo.

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

Isaya 13:13

Ngu toneto, ni na dhudhumelisa nzuma, ni mafu ma na khukha ha wukhaloni ka ona, ngu mhaka ya kuhenya ka Mkoma wa Mabutho a Tiyimbi, ngu ditshiku da kuhenya kwakwe.

Isaya 24:20

Mafu otshe ma na dhedhereka kufana ni didevi, kambe ma na zinginiswa, me thaviswa ni wusiku, nga mtxhatxha; se wuhambunyeti wa ona wu na ma nemelela, ma nawa, ma si wuki kambe.