Jeremiya 4:2 - Bhiblia Yo Sawuleka

² Se u na xambanya, u txi khawe: Mkoma a hanyako, ngu ditshuri, ka kulamula ni ka wululamo; matiko ma na ti katekisa ngu ngene, ni kutikulisa ngu ngene.”

Jeremiya 4:2 Referans Kwoze

Isaya 65:16

Se awule a katekiswako ha mafuni a na katekiswa ngu Txizimu txa ditshuri; ni wule a xambanyako ha mafuni, a na xambanya ngu Txizimu txa ditshuri; Nguko sixaniso sa kale si divatwe, kambe si fenengetilwe masoni kwangu.

Jeremiya 9:24

Aniko awu a ti dhundako e ti dhundela ka yiya mhaka, ti taku a di ni kupfisisa e ni ziva, ti taku ngani Mkoma ni mahako wumbilu, ni kupamula ni wululamo ha mafuni; nguko na xalaliswa ngu sa ku ngeto, kuwomba Mkoma.

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

2 Vakorinto 10:17

Awu a ti dhumisako a na ti dhumise ditinani ka Mkoma.

1 Vakorinto 1:31

ngu mhaka ya tile ti nga bhalwa va txi kha vona: “Awule a ti kulisako, a na ti kulisele ka Mkoma.”

Dhewuteronome 10:20

Thava Mkoma, Txizimu txako, u txi mkhozela ene ekha, kambe namarela kwakwe u txi xambanya ngu ditina dakwe.

Vagalatiya 3:8

Mibhalo ni yona, ngu kusongolela ku ti wona ti to Txizimu txi na hundulusa vamatiko ve maha valulami ngu kukholwa, yi zivisile ka Abrahamu mahungu awa amanene, yi txi kha yona: “Yotshe mifumo yi na katekiswa ngu kota yako.”

Jeremiya 12:16

Ngako va di gondile tinzila ta vathu vangu, ti taku va txi xambanya ditinani kwangu, va txi kha vona: Mkoma a hanyako; nga ku va nga gondisa vathu vangu kuxambanya ngu Bhahali, sekoko va na maneka hagari ka vathu vangu.

Isaya 45:25

Aniko ka Mkoma li nava li di lulamile ni kutikulisa lotshe liveleko la ka Israyeli.

Masalmo 72:17

Ditina da mfumeli di na simame yotshe mbimo; nduma yakwe yi na simame hahatshi ka ditambo kala kupinduka! Ngu mhaka yakwe yotshe mifumo yi na katekiswe otshe matiko ma na mu womba ku a katekile.

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.

Isaya 45:23

Ni xambanya ngu ngani nipune; di humile ngu txisofuni kwangu dipswi do lulama, kambe kha di na mbi tshumelela msana: Ati to masoni kwangu, ma na khizama otshe mazolo, se totshe tidimi ti na xambanya ngu ngani.

1 Vafumeli 3:6

Se Solomoni a to khene: Awe u thumisile txithumi txako Dhavhidha, tate wangu, ngu kukateka ka hombe, ngako ene a nga tsimbila ni nawe ngu ditshuri, ni nongameto, ni kululama ka mbilu, masoni kwako; se u m'vekete txikatekiso txa hombe, u mningile mwanana wu a no khalahatsha ha txikhaloni kwako ka wukoma, nga ti ti wonekako ka masiku awa.

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Hoseya 2:19

Se ni na kuteka u va msikati wangu ngu ha ku si gwitiko; na kuteka ngu kululama, ni wulamuli, ni wumbilu, ni wunene.

Jeremiya 5:2

Hambiko va ku kha vona: Mkoma a hanyako; vona va xambanya ngu makuhu

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Dhewuteronome 4:30

Amu kukaratekani kwanu, ngako otshe makhombo awa ma txi mi humelela, ka sikhati so tala, mi na tshumelela ka Mkoma, Txizimu txako, kasi kuengisa dipswi dakwe.

Rute 3:13

Zumba hawa wusiku wuwa, se mangwana ni mixo, ngako ene a txi kutirula, ndinene, ene a na kutirule; aniko ngako asi ti lavi ku kutirula, Mkoma a hanyako, ani ni na kutirula! Otela hawa, kala mangwana.”

Jeremiya 3:17

Ka yoneyo mbimo, va na kha vona Jerusalema njikhalo txa “Kufuma ka Mkoma”; matiko otshe ma na sengeletana Jerusalema ditinani ka Mkoma; kha va na mbiswa ve tsimbila madingano ni kuranda ka timbilu tawe to biha.

Jeremiya 7:5

Nguko ngako mi txi txhukwatisa mahanyelo anu ni mithumo yanu, ngako mi txi lamula ngu kululama hagari ka m'thu ni mwakelani wakwe,

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Jeremiya 12:15

Aniko msana ka kuva ni ti va dute, ni na tshumela ni va pfela wusiwana, ni na va tshumeta, mmwani ni mmwani thombani kwakwe, mmwani ni mmwani e tshumelela ditikoni kwakwe.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Jeremiya 33:9

Se adiya didhoropa di na va da ditina da litsako ni kudhumisa ni wudhumo, hagari ka otshe matiko a ha mafuni, ma no pfa wotshe wunene wu ni mmahelako; kambe va na xamala, ni kudhudhumela, ngu mhaka ya wotshe wunene, ni mhaka ya kotshe kuthutha, aku ni di ningako.

Joyeli 2:12

Hambi keto, konkuwa, kuwomba Mkoma: Hundulukelani kwangu ngu mbilu yanu yotshe; totshe eto, ngu kutitona, ni kudila, ni huwa.

Dhewuteronome 6:13

U na thava Mkoma, Txizimu txako, u txi mkhozela, ni kuxambanya ngu ditina dakwe.

1 Samuwele 20:3

Sekoko Dhavhidha a to xambanya kambe, a txi khene: Tate wako wa tiziva kha kwati to ni mani dikato masoni kwako; ngu kumaha keto, a to khene: A nga yi zive Jonatani mhaka yi ya nguko yi nga mpanda; se kha ditshuri, ni xambanya ngu Mkoma wu a hanyako, ni muhefemulo wako wu hanyako, ku to sala dizambo dimwedo dwe ku ni hoka kufani.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.