Jeremiya 4:17 - Bhiblia Yo Sawuleka

¹⁷ Va mrandete nga vawoneleti va thembwe nguko a tiwukile kwangu. Kuwomba Mkoma!

Jeremiya 4:17 Referans Kwoze

Jeremiya 5:23

Aniko ava vathu va ni tutumile, kambe va ni mbilu ya wukaneti; va tiwukile, ve tsula.

Sidilo 1:18

“Mkoma a lulamile, nguko ani koko ni eyisile milayo yakwe; engisani koko anu motshenu, vathu, mi txi wona kupandiseka kwangu; votuma vangu ni majaha angu va tsute wukhumbini.

Sidilo 1:8

Jerusalema a onhile ngutu se ngu toneto, a tote nzambwa. Votshe vale va nga ti mxonipha, se vamnyenyile, nguko va woni wumbwiri wakwe; se ene apune wa kuma a txi namisa thamo.

Isaya 30:9

Nguko vathu vava mba kaneti, mbanana vo womba-womba makuhu, vanana vo mbi lava kuengisa Mlayo wa Mkoma.

Isaya 1:8

Se mwanana wa muhorana wa Siyoni a fana ni m'dhuti wa thembweni ka mivhinya; kufana ni m'dhuti wa thembweni ka maranga; kufana ni didhoropa do randelwa ngu valala.

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

Dhewuteronome 9:24

Anu mi vaeyisi ka Mkoma, kukhukhela ka ditshiku di ni nga khata ku mi ziva.

Jeremiya 52:4

Se amu ka dilembe da wutxhanu ni mune da kufuma kwakwe, ka mtxima wa wugumi, ka ditshiku da digumi ka mtxima, kutile Nebhukodhonosori, mfumeli wa Bhabhilona, ku ta lwisa Jerusalema, ene ni dibutho dakwe dotshe, ve ta ranganyeta, ve tsivela otshe madhawa.