Jeremiya 4:14 - Bhiblia Yo Sawuleka

¹⁴ “Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Jeremiya 4:14 Referans Kwoze

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

Mithumo 8:22

Ngu konaho, hunduluka kubihani kwako, u txi khongela ka Mkoma, mwendo u nga divalelwa kualakanya kuwa ka mbilu yako;

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

1 Vakorinto 3:20

Ka wumwani wukhalo kambe va kha vona: “Mkoma wa tiziva ti to mialakanyo ya vathu hi nga ya kunyawula.”

Varoma 1:21

Nguko, hambi va di txi zivile Txizimu, kha va txi dhumisa kota nga Txizimu; hambi ni ku txi bonga kha va txi bonga; kambe va to pengiswa ve yiswa ka ta walo ngu mialakanyo yawe; se timbilu tawe ti pwata wutxhari, ti zumba mtemani.

Luka 11:39

Se Mkoma a txi khene kwakwe: “Kunene, anu Vafarisi mi kuwula m'hindo ni mbiya hahanze ka sona, kuve mndani mi tate ngu kupa ni tshofu.

Jeremiya 13:27

Ni wonile wugango wako, ni kudila ka kunavela kwako, wugango wako wo phindeletisa, amu mimangoni ni mu tithembweni. Dikhombo kwako Jerusalema! U na verela kala yihi mbimo na u si basiswi kani?

Mavingu 1:22

Anu siphukuphuku, mi na randa wuphukuphuku wanu kala yihi mbimo kani? Ni nanu vatseketseli, mi na randa kutseketsela kani? Se anu siphukuphuku mi na venga wuzivi kani?

Masalmo 66:18

Idiku ani ni ti mahile kubiha kokari, Mkoma nga a sa engisa dipswi dangu.

Matewu 12:33

“Mi txi womba ti to mndonga wuwa mbunene, mihando ya wona ni yona njinene, mwendo kambe mi txi womba ti to mndonga wuwa wu bihile, mihando ya wona ni yona yi bihile; nguko mndonga wu ziwa ngu mihando ya wona.

Ezekhiyele 18:31

Tshotshani sotshe sihambunyeto si mi nga hambunyeta ngu sona, se kulaveka mi va ni mbilu ya yiphya ni moya wa wuphya; nguko mi ndi na fela txani anu nyumba ya ka Israyeli kani?

Masalmo 119:113

Na nyenya vakanganyisi, aniko ni randa mlayo wako.

Masalmo 51:2

Ni kuwule ka wotshe wubihi wangu; u txi ni basisa ka sotshe sionho sangu.

Jeremiya 2:22

Hambi u nga samba ngu mirende, u pupumisela sephu yayingi, wubihi wako wu na woneka masoni kwangu, Ngene apune Mkoma a wombako.

Jeremiya 6:19

Engisa awe mafu! Ni na tisa dikhombo txitimwi ka ditiko diya, i ku muhando wa maalakanyo awe; nguko kha va engisa mapswi angu, va eyisile mlayo wangu.

Jeremiya 17:1

Txionho txa Judha txi bhatwe mbiluni ngu mtenga wa txikete, wu ku ni tshoka ya dhayimana; txi vatetwe timbiluni kwawe, ni mu ka titxheho ta siluvelo,

Zakariya 8:17

Kambe ni wammweyo kwanu, a nga pimisele wubihi mbiluni kwakwe, wo wukela mkwawe, hambi kudhunda kuxambanya makuhu, nguko totshe tiya ani na ti nyenya, kuwomba Mkoma.

Jeremiya 18:11

Ngu konaho, gela vavamna va ka Judha ni vazumbi va Jerusalema, u txi khawe: Mkoma a khene: “Na mi longisela dikhombo, ni na maha txikungo txo mi wukela. Ngu konaho, hundulukani mmwani ni mmwani nzilani kwakwe ko biha, mi txhukwatisa mahanyelo anu ni simaho sanu.”

Johani 13:9

Se Simoni Pedro a to khene: “Mkoma, u nga sambise mikondo dwe, aniko ni sambise ni ona manza ni msungo.”