Jeremiya 39:7 - Bhiblia Yo Sawuleka

⁷ A to thavisela maso a Zedhekiya, a txi msunga ngu titxhini timbidi ta msuku, kasi ku mu tsulisa Bhabhilona.

Jeremiya 39:7 Referans Kwoze

Ezekhiyele 12:13

Kambe ni na mu riyela ngu mlawu, a na bzwetwa ngu mlawu wangu; se ni na mtsulisa Bhabhilona, ditikoni ka Vakaldheya, aniko kha na mbi di wona, hambiko a no ya fela kona.

Jeremiya 52:11

A to xokola maso a Zedhekiya, e msunga ngu titxhini timbidi ta msuku; se mfumeli wa Bhabhilona a to tsula nayo Bhabhilona, eya mkhotela kala ditshiku da kufa kwakwe.

2 Vafumeli 25:7

Se vanana va Zedhekiya va to dawa masoni kwakwe; va to dhodela maso a Zedhekiya, ve msunga ngu titxhini timbidi ta msuku, se ve mtsulisa Bhabhilona.

Valamuli 16:21

Sekoko Vafilista va to mñola, va txi mxokolela maso, ve tsula nayo Gaza, se va to msunga ngu titxhini timbidi ta msuku, ni kuthuma ngu txigayo mkorani.

Masalmo 119:8

Ni na xayisa milayo yako! U nga ni leke ngu nyalehe!

Jeremiya 20:4

Nguko Mkoma a khene: “Ni na kumaha txidhukiso txako upune, ni txa maxaka ako otshe; vona va na dawa ngu matxhari a valala vawe, awe wutumbu u na ti wona. Ni na ningela dotshe ditiko da Judha manzani ka mfumeli wa Bhabhilona, a na va yisa kuñolwani Bhabhilona, e va daya ngu ditxhari.

Jeremiya 34:3

Kambe awe khu na mba huluka manzani kwakwe, kambe u na ñolwa u txi ningelwa manzani kwakwe; u na wonana ni mfumeli wa Bhabhilona, ene a na womba-womba ni nawe khohe ni khohe, se u na tsula Bhabhilona.

Jeremiya 44:30

Mkoma a khene: Wonani ti to ni na ningela Faro Hofira, mfumeli wa Egipta, manzani ka valala vakwe, ni manzani ka vale va xotako kum'daya, nga kule ni nga ningela Zedhekiya, mfumeli wa ka Judha, manzani ka Nebhukodhonosori, mfumeli wa Bhabhilona, i ku mlala wakwe a nga ti lava ku m'daya.