Jeremiya 39:5 - Bhiblia Yo Sawuleka

⁵ Aniko yimbi ya Vakaldheya yi to va tutumisa, yi txi ya ñola Zedhekiya mikovani ka Jeriko, va txi mu yisa ka Nebhukodhonosori, mfumeli wa Bhabhilona, i ku Ribhila ditikoni ka Hamati, a txi ya lamulwa kona.

Jeremiya 39:5 Referans Kwoze

2 Vafumeli 23:33

Sekoko Faro-Neko a to rumisa kuya mñola aniya Ribhila, ditikoni ka Hamati, kasi ku asi fumi Jerusalema; se a to dihisa ditiko da ka Judha dizana da titalenta ta silivhelam ni talenta yimweyo ya nzalama.

Joxuwa 5:10

Mbimo yile koko vanana va ka Israyeli va nga ti govile Giligali, va to maha txialakanyiso txa Pasika, ka ditshiku da digumi ni mune ka mtxima, ni minova, tibalani ka Jeriko.

Jeremiya 38:23

Votshe vasikati vako ni vanana vako va na yiswa ka Vakaldheya, hambi awe khu na mbi huluka manzani kwawe, aniko u na ñolwa ngu dianza da mfumeli wa Bhabhilona; ni didhoropa di na hiswa ngu mhaka yako.

Jeremiya 38:18

Aniko ngako u si humi u ya ti ningela ka vanana va mfumeli wa Bhabhilona, adiya didhoropa di na ningelwa ka Vakaldheya, va txi di hisa ngu mndilo, na nawe khu na mbi huluka manzani kwawe.

Joxuwa 4:13

hafuhi ka 40.000 wa vavamna va yimbi, na va di xomile, va to pinda masoni ka Mkoma, va txi ya kulwani, mikovani ka Jeriko.

Sidilo 4:20

Msawuleki wa Mkoma, ene mtsimbilisi wathu va mñote kufana ni txihari txo wela diphalani. Kuve athu hi ti emete ene, ku a txi hi vhikela, hahatshi ka mtsudi wakwe, hi na hanya hagari ka matiko.

Sidilo 1:3

Judha a tsute wukhumbini, ngu mhaka ya kupandiseka, ni kukula ka wukhumbi wawe; a zumba hagari ka matiko, kha humuli; votshe vatovelisi vakwe va mkhakhetile ha kupandisekani kwakwe.

Jeremiya 4:12

Txingulu txi nata ngu kuruma kwangu sekoko ni na va lamula.

2 Makronika 33:11

Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona.

2 Vafumeli 25:6

Va to teka mfumeli ve mtsulisa ka mfumeli wa Bhabhilona, didhoropani ka Ribhila; ngu koneyo a nga lamulwa kona.

2 Vafumeli 17:24

Se mfumeli wa Asiriya a tisile vathu ngu Bhabheli, ni Kuta, ni Avha, ni Hamati, ni Sefarivhayimi, e ta va akisa madhoropani ka Samariya, wukhaloni ka vanana va ka Israyeli; va to teka Samariya e maha thomba yawe, ve zumba ka madhoropa a kona.

2 Samuwele 8:9

Sekoko a di ti pfite Toyi, mfumeli wa Hamati taku, Dhavhidha a date dotshe dibutho da yimbi da Hadhadhezeri,

Valamuli 3:3

Mtxhanu wa vathangeli va Vafilista, ni votshe Vakanana, ni Vasidhoni, ni Vahevhi, vale va nga ti akile mmangoni ka Libhanoni, kukhukhela mmangoni ka Bhahali-Hermoni kala ka txike txa Hamati.

Joxuwa 13:5

kumweko ni ditiko da Vagedhali, ni dotshe ditiko da Libhanoni, kala wutxani, kukhukhela Bhahali-Gadhi, hafuhi ka mmango wa Hermoni kala ha ditimbani ka Hamati.

Mitengo 13:21

Ngu tona eto, va to kwela kasi kuya xola ditiko, ve khatela txiwulani ka Zimi, veza ve hoka Rohobhi, ngu nzila yi yiyako Hamati.

Jeremiya 21:7

Se msana keto, kuwomba Mkoma, ni na ningela Zedhekiya, mfumeli wa ka Judha, ni maxonga akwe, kumweko ni vathuvo va no maneka va di hulukile mtungu, ka didhoropa diya, ni txi va ningela manzani ka Nebhukodhonosori, mfumeli wa Bhabhilona, ni manzani ka valala vawe, ni ka va va xotako wutomi wawe. Ene a na va dayisa ngu ditxhari, kha na mbi va nyenyeletela, hambi ku va pfela, hambi ni kuva ni wumbilu ka vona.

Jeremiya 24:8

Se nga tile ku mahiswako tona ka maxanvu o biha, aawa ma si sikotiko kudyiwa, ngu bihelo ya ona, nguko Mkoma a khene, “Ngu toneto, ni na ningela Zedhekiya, mfumeli wa ka Judha, ni tinduna takwe, ni misalelwa ya Jerusalema, ayi yi nga sala ka diya ditiko, ni ka va va zumbako ditikoni ka Egipta.

Jeremiya 44:30

Mkoma a khene: Wonani ti to ni na ningela Faro Hofira, mfumeli wa Egipta, manzani ka valala vakwe, ni manzani ka vale va xotako kum'daya, nga kule ni nga ningela Zedhekiya, mfumeli wa ka Judha, manzani ka Nebhukodhonosori, mfumeli wa Bhabhilona, i ku mlala wakwe a nga ti lava ku m'daya.

Jeremiya 49:23

Xungetano ngu Dhamasku, a vile ni tingana Hamati ni Aripadhe, ni mbimo yile va nga pfa mahungu a maphya o biha, va to tsivala; lineneni ku ni kuxaniseka, kuwalo kuthutha.

Ezekhiyele 23:24

Se va nata kuwukela va di ni sikotxikani ni vathu votala; va txi ta kurandela va di ni sitxhavangu, ni sigoko; kambe ni na veka masoni kwawe valamuli, ava va no kulamula ngu malamulelo awe.

Habhakuki 1:7

Mbathu vo thisa ni kudhukisa; wuhombe ni wulamuli wu na huma kwawe vapune.

Isaya 22:3

Votshe vathangeli vako va tutumile kumweko, va ñotwe ngu va nyamalaho; votshe vale va nga manwa kwako, va sungilwe kumweko, aniko va tutumile veya kule.