Jeremiya 39:4 - Bhiblia Yo Sawuleka

⁴ Ku ti ngako Zedhekiya mfumeli wa ka Judha, ni votshe valwi va yimbi va di va wonile, va to pfodola ve huma didhoropani ni wusiku, ngu nzila ya thembweni ka mfumeli, ngu ka txike txi txi ku hagari ka maguma mambidi, ve huma ngu nzila ya Arabha.

Jeremiya 39:4 Referans Kwoze

Amosi 2:14

Kha ku na mbi vhuna txilo kututuma ka va vo txhariha, hambi wa mtamo kha na mbi thumisa mtamo wakwe, ni ndena kha yi na mbi hulukisa wutomi wa yona.

2 Makronika 32:5

Se ene a to tsana ngutu e aketa dotshe diguma adi di nga ti khundumusilwe, ve di laphisa kala sidingililelo, e aka dimwani diguma ngu hahanze e tsanisa Milo didhoropani ka Dhavhidha, atxi ti mahela matxhari amangi ni sivhikelo sasingi.

Ezekhiyele 12:12

Se mthangeli wule a ku hagari kwawe a na pakata siya, ku di phumile e huma; va na dhoda diguma va txi si thavisa; va na tsiva maso awe, kasi ku va si woni mafu.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Levhi 26:36

Avale va no huluka hagari kwanu, ni na va tisela dizowa mu timbiluni kwawe; ka mbimo yile mi no va mi di matikoni ka valala vanu, mi na dhuka, ngu kuwa ka dizokoro do oma, mi na thava ku nga mo thava masoni ka ditxhari, mi na wa, mi si tutumiswi ngu m'thu.

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Isaya 22:11

Kambe mi mahile sisima hagari ka maguma mambidi txo thela mati a txisima txa kale, aniko kha ma wona txitimwi, kambe kha ma khatala ngu wule a nga va nga sona, hambi kukhatala ngu wule a nga si va nga kukhukhela kaleko.

Jeremiya 32:4

hambi ene Zedhekiya, mfumeli wa ka Judha kha na mbi huluka manzani ka Vakaldheya; kambe a na ningelwa manzani ka mfumeli wa Bhabhilona, kuva a txi womba-womba nayo, ve wonana ngu maso;

Ezekhiyele 12:4

Na va txi ti wona koko, u na thavisa siya sako nga wolava kurura; sekoko u na khukha ni wusiku va txi kuwona, nga wule a khukhako ka wukhalo a txi ya ka wumwani.

Isaya 22:3

Votshe vathangeli vako va tutumile kumweko, va ñotwe ngu va nyamalaho; votshe vale va nga manwa kwako, va sungilwe kumweko, aniko va tutumile veya kule.

Isaya 29:2

Hambi keto, ni na veka Ariyeli kuxanisekani, se ku nava ni kudila ni kupandiseka; kambe dona di na va didhoropa dangu kufana ni Ariyeli.

Jeremiya 32:5

a na yisa Zedhekiya aniya Bhabhilona, a na ya zumba kona kala ni txi mu endela, kuwomba Mkoma. Ngako mi txilwa ni Vakaldheya ina kha mi na mbi humelela kani)?