Jeremiya 39:17 - Bhiblia Yo Sawuleka

¹⁷ Aniko ni na kuhulukisa kedo ditshiku, kuwomba Mkoma, khu na mbi ningelwa manzani ka vathuvo u va thavako.

Jeremiya 39:17 Referans Kwoze

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Jeremiya 1:19

Va na lwa ni nawe, aniko kha va na mbi kuxula; nguko ani ni kumweko ni nawe, kasi ku kuhulukisa, kuwomba Mkoma.”

2 Samuwele 24:14

Sekoko Dhavhidha a to khene ka Gadhi: Ni ha kuxanisekani ka hombe; kambe he weleni manzani ka Mkoma, nguko wumbilu wakwe mbwa hombe ngutu; aniko manzani ka vathu ni nga wele kona.

Jeremiya 38:9

Mfumeli, nyamne wangu, vavamna vava kha va maha ta tinene ka totshe tile va nga mahela mprofeti Jeremiya, awule va nga mtshotsha diphalani; a na fa ngu nzala aha a ku kona, nguko kha ku ngadi ni mapawu amu didhoropani.

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Dhaniyeli 6:16

Sekoko mfumeli a to leleta ti taku kutiswa Dhaniyeli, e rinzwa diphalani ka tingonyamo. Se mfumeli a to womba ka Dhaniyeli, a txi khene: “Txizimu txako, a txi u txi thumelako mbimo yotshe txi na kuhulukisa!”

Jeremiya 38:1

Xefatiya, mwana Matani, ni Gedhaliya, mwana Paxuri, ni Jukali, mwana Xelemiya, ni Paxuri, mwana Malikiya, va ti ti pfite timhaka ti Jeremiya a nga huwelela ka votshe vathu, a txi khene:

1 Vafumeli 18:15

Se Elija a to khene: Ni xambanya ngu Mkoma wa Mabutho a Tiyimbi a hanyako, awu ni ku masoni kwakwe, ti to ni naya ti kombekisa kwakwe nyamsi.

1 Vafumeli 18:16

Sekoko Obhadhiya a to tsulisa txiziviso ka Akabe; se Akabe a to tsula kuya wonana ni Elija.

2 Vafumeli 6:16

Se Elixa a to khene: U nga thave, nguko mbavangi va emako ni nathu, kupinda vale va ku navo vona.