Jeremiya 39:11 - Bhiblia Yo Sawuleka

¹¹ Nebhukodhonosori, mfumeli wa Bhabhilona, a ti ti rumisile Nebhuzaradhani, mthangeli wa vawoneleli, ngu Jeremiya, a txi khene:

Jeremiya 39:11 Referans Kwoze

Mithumo 24:23

Se ene a to leleta mthangeli wa dizana kasiku e woneleta Paulo, a txi mninganyana kupepa ni kuva ku si tsimbwi vathu ku ta mxola.

Jeremiya 15:21

Ni na kuhulukisa manzani ka vabihi, ni na kutirula manzani ka vanyatshiku.

Jeremiya 37:2

Aniko ene ni sithumi sakwe ni vathu va ditiko, kha va engisa timhaka ta Mkoma ati a nga womba ngu txisofu txa mprofeti Jeremiya.

Jeremiya 15:11

Hambi i di keto, Mkoma a to xamula, a txi khene: Kunene ni na ku tsaniseta ti to u txi humelela, ni na maha ti to mlala wako e kukombela, ngu mbimo ya makhombo ni kuxaniseka.

Jobe 5:19

Ka mtxhanu wa makhati a kuxaniseka txi na kutxhatxhisa, da wutxhanu ni mambidi wubihi kha wu na mbi kugwesa.

Jobe 5:15

Aniko awule wo pwata, txa mtxhatxhisa ngu ditxhari da txisofu, txi mtxhatxhisa manzani ka wule a ku ni mtamo.

Jobe 5:16

Ngu toneto, txisiwana txi ni kuthemba; se wubihi wa tsiva txisofu txa wona.

Jeremiya 1:8

U nga thave masoni kwawe; nguko ni ni nawe, kasi ku ku hulukisa, kuwomba Mkoma!”

Jeremiya 15:20

Ni na kumaha uva diguma da msuku ka ditiko diya; va na lwa ni nawe, aniko kha va na mbi ku xula; nguko ani ni kumweko ni nawe, kuva ni kuhulukisa, kuwomba Mkoma

Jeremiya 40:1

Dipswi di di nga ta ka Jeremiya ngu ka Mkoma msana ka kuva Nabhuzaradhani, mthangeli wa vawoneleli, a ti mu txhatxhisile Rama, eho a nga mmana kona a ti sungilwe ngu titxhini, na a ti hagari ka va va nga ñolwa votshe va niya Jerusalema ni Judha, ava va nga yiswa wukhumbini ka Bhabhilona.

Jeremiya 40:4

Wona, ni ku txhatxhile titxhini ti ti nga ti mawokoni kwako. Ngako u txi lava kutsula ni nani Bhabhilona, ngono, ni na kuxayisa. Aniko u si ti lavi kutsula ni nani Bhabhilona, u nga sala. Hi nga wona, dotshe ditiko di masoni kwako; ni hayi ku ku tsakisako, aha u lavako kuya kona, tsula kheyo.”

Jeremiya 52:12

Se ngu mtxima wa wutxhanu, ka ditshiku da wugumi da mtxima (i ti dilembe da wugumi ni mtxhanu ni mune da kufuma ka Nebhukodhonosori), a tile Nebhuzaradhani, mthangeli wa vawoneleli, awu a nga txi wonelela mfumeli, va to wulela Jerusalema.